Рет қаралды 5,062
Киһи хараҕа остуолга кичэллэн тэлгэммит сиэл, кыл оҥоһуктарга хатанар. Улахан паннолар, дьэрэкээн көбүөрдэр, илин кэбиһэрдэр, араас сэлээппэлэр айар куттаах, ураты талааннаах маастар биһиги нэһилиэккэ олохсуйбутун кэпсииргэ дылылар.
Кыл - улахан сылгы кутуругун сүүмэхтэрэ. Оттон сиэл сылгы арҕаһыгар үүнэр. Сиэл кылгас, кыл уһун буолар. Кылы 4 сааһын ааспыт сылгы кутуругуттан кырыйаллар. Ол иннинэ кыл ситэ илик синньигэс, быстымтыа буолар. Сиэли-кутуругу кырыйыыны сэлээһин диэн ааттыыбыт. 4 сааһын ааспыт сылгы 2 сыл буола-буола үһүс сылын сааһыгар хайаан да сэлэниэхтээх.
Мираида күн соло буолбат. Үрүҥ сиэл төкүнүктэри биир кэм имигэс-имигэстик эргитэ-урбата тутар, ойуу таһаарар, ол быыһыгар оҥоһуктарын астыммыт харахтарынан имэрийэ көрөр.
Маннык үлэ уһун унньуктаах бириэмэни, тулууру эрэйэрин, сорох дьон сиэли ыраастыыры кирдээх-хохтоох үлэ курдук саныырын Мираида бэркэ билэр буолуохтаах.
Бу биһиги иннибитигэр сытар үлэлэрэ элбэх сыраттан, кыһамньыттан, саха үгэс буолбут дьарыгар тапталыттан, бэриниититтэн тахсарын көрөн киһи сөгөр.
Аҕыйах сылтах бэттэх Мираида кыл, сиэл оҥоһуктарынан улуустааҕы, өрөспүүбүлүкэтээҕи быыстапкаларга кыттан, биһирэнэн сүргэтэ өссө көтөҕүллэн олорор.
Ураты дьарыктаах биир дойдулаахпытынан киэн туттабыт итиэннэ айымньылаах үлэтигэр чыпчааллары, дьиэ кэргэнигэр ситиһиилэри, чэгиэн доруобуйаны баҕарабыт.
#сиэл#кыл#сөбүлүүрдьарык