Рет қаралды 11,135
Елімізде ит-мысықты қорлайтындар көбейіп кетті. Тіпті онысын видеоға түсіріп, әлеуметтік желіге салып, қағынатындар қаншама. Мысықтарды аштан өлсін деп айдалаға апарып тастаған, итті бұтаға байлап қойып, тірідей өртеген видеоларды көрмейін десең де қайта-қайта телефоныңнан шыға береді. Жануарларды құтқару ұйымдары мұндай әрекетке барғандардың жазасын қатаңдату керек, тіпті, бірнеше жылға түрмеге қамау керек деп санайды.
Басы денесінен де үлкен болып ісіп кеткен иттің мойнына белгісіз біреулер қатты қысып резеңке байлап тастаған. Оны Елордалық еріктілер құтқарып қалды. Ал, Петропавлда итті әбден қорлап, көшенің қақ ортасына денесін тастап кеткен сурет жарияланды. Мұндай жағдай соңғы кездері жиілеп кеткен. Алматыда да, жақында 40-қа жуық мысық өлімші күйінде даладан табылды. Жануарлар жанашырлары күніне кем дегенде 10 адам қорлық көрген ит-мысықты өткізгісі келеді дейді.
МАРИНА ЛЕЖНЕВА, жануарларды құтқару ұйымының басшысы:
- Жануарларды көбіне кішкентай балалар қорлайды. Қазір олардың қатарына үлкендер де қосылды. Соңғы кездері тіпті жиілеп кетті. Алматыда 10-ға жуық жануарларды қабылдайтын үйдің барлығында қазір орын жоқ. Көбіне ит-мысықты өртеп, көзін ойып, көп қабатты үйлердің үстінен лақтырып жатады.
Ал, психолог маман адамдардың мұндай қатігездікке баруын отбасындағы тәрбиемен байланыстырып отыр. Сонымен қатар, ата-аналар балалардың үйде немен айналысып жатқанына көбірек мән беруі керек дейді.
ТӨРЕҒАЛИ БАТЫРХАНҰЛЫ, психолог:
- Балаларды тәрбиелеп жатқан мультфильмдер. Агрессивті мультфильмдер. Оның үстіне ол жерде мейірімділік жоқ. Ыңғи соғыс, атыс-шабыс. Соны көріп тәрбиеленген бала әрине сондай қадамдарға барады.
Жануарлар жанашырлары Әкімшілік кодекстегі 316-шы бапты қатаңдату қажет дейді. Олардың ойынша, үй жануарын қинап, өлтірген болса 5 миллион 834 мың теңге айыппұл салыну, немесе қоғамдық жұмысқа 600 сағат тартылу керек.
АЙГҮЛ ИМБЕРГЕНОВА, жануарларды қорғау қоғамдық қорының президенті:
- Жануарларды қорлаған адамдар жазаланбай жатыр. Оны өткен жылғы статистика көрсетті. Тек, айыппұл төлеп немесе кешірім сұраған видеомен құтылып жатыр. Біздің талабымыз - үй жануарларын аяусыз қинаған адамдар 2 жылға дейін түрмеге қамалуы керек.
Өткен аптада белгісіз біреулердің итті ағашқа байлап қойып, тірідей өртеп жатқан видеосы тараған болатын. Бірақ, қатігез адамның кім екені әлі анықталмады.
Өмір Серікбекұлы, Ринат Абулхайыров
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#заң #жануарларды_қорғау #қатігездік