Retired Major General Albert MURASIRA nawe ni Umusirikare wo ku rwego rwa Jenerali ugaragara ku rutonde rw’abasirikare bakuru bemerewe na Nyakubahwa Perezida wa Repubulika Paul KAGAME akaba n’umugaba w’ikirenga w’Ingabo z’u Rwanda kujya mu kiruhuko kizabukuru biciye mu Itangazo ryashyizwe hanze n’Igisirikare cy’u Rwanda Tariki 30/8/2023.
Uyu mugabo Jenerali Albert MURASIRA ni umugabo wihariye kuko ni umwe mu bageze ku Ipeti rya Jenerali muri RDF. Ariko bitandukanye na benshi bageze kuri Iri Peti we ntabwo yabaye mu Gisirikare cya RPA Inkotanyi cyari gishamikiye ku muryango wa RPF Inkotanyi cyarwanye Urugamba rwo kubohora U Rwanda no guhagarika Jenoside Yakorewe Abatutsi ahubwo we yahoze mu Gisirikare cya Leta y’u Rwanda FAR.
Jenerali Majoro Albert MURASIRA ni umwe mu binjijwe mu ngabo za RPA Inkotanyi mu gihe Urugamba rwo Guhagarika Jenoside no kubohora u Rwanda mu buryo bwuzuye rwari rugeze ku musozo.
Jenerali Majoro Albert Murasira nabagenzi be barimo Nyakwigendera Jenerali Marcel GATSINZI n’abandi batandukanye ni bamwe mubo amateka y’u Rwanda azasigarana nk’ikimenyetso cyuko Ubumwe mu Banyarwanda bushoboka kandi ko ariyo ndangagaciro iruta izindi Iha amahoro asesuye abanyarwanda. Kuko Guhuza Ingabo zahoze zihanganye zikavamo Igisirikare kimwe k’Igihugu ni kimenyetso kibihe Byose kigaragaza Itangiriro ry’u Rwanda rushya rutarangwamo amackubiri. Uyu mugabo rero Jenerali Majoro Albert MURASIRA ni umwe mubo amateka azagumana kuri Iyo ngingo
Kandi rwose kuva yakwinjira mu gisirikare cy’u Rwanda Jenerali Murasira yabaye uwingenzi kugeza ageze ku mwanya wa Minisitiri w’ingabo,rero uyu nawe afite ibigwi n’amateka kuko yakoze Byinshi kugeza agiye mu kiruhuko kizabukuru.
Uyu mujenerali rero niwe ngingo yacu yuyu munsi aho tugiye Kuvuga kuri Byinshi byaranze Ubuzima bwe bwihariye.Iyi ni Rwanda ni Intsinzi Tv.Jye ndi Eric SAFARI.MBAHAYE Ikaze
Jenerali Albert MURASIRA yavutse Tariki ya 11/11/1962 avuka kubabyeyi babanyarwanda bari batuye mu Ntara ya Maniema muri Repubulika Iharanira Demukarasi ya Congo .
Iyi ntara ni imwe mu Ntara 26 zigize Iki gihugu rutura cya Repubulika Iharanira Demukarasi ya Congo. Ndetse aha ni naho Albert MURASIRA yigiye amashuri ye abanza ndetse n’igice kimwe cy’amashuri yisumbuye.
Amashuri ye yisumbuye ayageze hagati yaje mu Rwanda aho yakomereje mu Ishuri rya Ecole de Science BYIMANA.Rimwe mu mashuri y’Ubuhangange bwose mu Rwanda yanyuzemo intinti n’incabwenge zitandukanye.
Iri shuri rero ry’Ikimenywabose ryo mu Byimana niryo Albert MURASIRA yizemo kugeza ashoje amashuri ye yisumbuye mu mwaka wa 1983.
Akirangiza amashuri ye yisumbuye adahagaze yahise akomereza muri Kaminuza Nkuru y’u Rwanda I Butare.ubu aha ni muri kaminuza y’u Rwanda ishami rya Huye.
Muri iyi kaminuza Albert MURASIRA yize isomo rigora benshi cyane ariryo ry’Imibare aho yariminujemo ndetse mu mwaka wa 1986 aribonamo Impamyabumenyi ihanitse y’ikiciro cya kabiri cya kaminuza.
Ndetse icyo gihe yahise akomerezaho yiga n’ikiciro cya Gatatu cya Gatatu cya Masters n’ubundi yakomereje mu mibare aho yarangije mu mwaka wa 1988 nabwo afite Impamyabumenyi ya Masters mu mibare .
Uyu mugabo ni umwe mu basirikare b’incabwenge rwose kuko ubwabyo kugira Masters mu Rwanda rwo mwaka wa 1988 Ubwabyo ni inkuru yo kumubaraho .
kuko muri icyo gihe Kugira Masters byari byihariye ukwabyo kuko no kugira Impambyabumenyi ya License y’ikiciro cya kabiri cya Kaminuza nayo byari ibihambaye rero kuyirenzaho ukagira na Masters byari ibyabake cyane babarizwagamo na Jenerali Majoro Albert MURASIRA.
Gusa nyuma yaje Kubona n’Indi Mpamyabumenyi ya Masters mu bijyanye na Project Management yavanye muri Kaminuza ya Liverpoor mu bwongereza
Mu mwaka wa 1988 Jenerali majoro Albert Murasira amaze gusoza amashuri ye noneho yinjiye mu Gisirikare cy’u Rwanda kicyo gihe FAR.
Mu mwaka wa 1989 ashoje amasomo ya Gisirikare yahawe Ipeti rya Sous Lieutenant.
Nyuma y’umwaka umwe atangiye Gukora nk’Umusiriakre wabigize Umwuga mu gisirikare cy’u Rwanda Ingabo za RPA Inkotanyi zatangije Urugamba rwo Kubohora Igihugu.
Ni urugamba rwamaze Imyaka Itatu n’amezi icyenda rwageze ku musozo mu kwa karindwi kwa 1994 Ingabo za RPA Inkotanyi zari ziyobowe na Nyakubahwa Perezida wa Repubulika Paul KAGAME zigeze ku Ntsinzi ihambaye yatumye zihagarika Jenoside yakorewe Abatutsi zinabohora u Rwanda mu buryo bwuzuye.
Muri iki gihe cyose akazi Jenerali Majoro Albert MURASIRA yakoraga kwari Ukwigisha.yego wabyumvise nibyo kuko Jenerali Majoro Albert MURASIRA yari umwarimu muri Kaminuza Nkuru y’u Rwanda.
Kurundi ruhande Ubwo Inkotanyi za RPF zari zitsinze Urugamba Jenerali Majoro Albert MURASIRA ni umwe mu basirikare bahoze mu gisirikare cya FAR wiyemeje gufatanya n’ingabo za RPF Inkotanyi mu gushinga Igisirikare kimwe kigihugu.icyo gihe Jenerali Murasira yaragifite ipeti rya Sous Lieutenant...