Рет қаралды 3,306
.
Awa unna ɣur walu g tmazirt-a aḍu
N lwali-nnes imuɛdeṛ ad d-iḍeṛ awal
Awa unna-nn iqqen ad indem ig iḍeṛ aman
Ad uɣull ula nesbab-asen agwa
Awa wer yuwiy leḥkam lbabuṛ s aman
Allig issen ad as-izizzil ticaf
Aha ya wa, waxxa ybeddel wazzar-inew
Aha ya wa, butaber ugin ad aɣ-iffeɣ
Aha ya wa, ixater useklu g ṛṛaḥt
Aha ya wa, imimk itegg ad usirn
Aha ya wa, tkam-d a lemnazil iɣef
Aha ya wa, han urti qennad ususn
Aha ya wa, iɛawd usennid ixater
Aha ya wa, unna yran ijjijey zaṛs
Aha ya wa, yusey lmuhendiz lmint
Aha ya wa, ad iwt asennid ṛzint
Aha ya wa, idda lmuhendiz ixater
Aha ya wa, ddund iɣulidn ɣifes
Aha ya wa heyyaɣ-d id dduzan-inew
Aha ya wa mar ad uteɣ i wegnagay iɣef
Ak-id-affeɣ awiɣ-kwen-id a ɛlaxiṛ
S tmazirt ula keyy a bu tmeɣra
A tuzzalt mer ẓaṛ kwent-i-gireɣ afus
I han azger yuwitid diɣ ṛebbi
Izwar-ased ṛṛay n tiddi lɛaqul
Ur ta ssin mag ibeddu bu tḥeṛṛaṭṭ
Heyyaɣ-as lefra-nnesn i bu wmerwas
Nka-y-asen Lḥasani d ayt lkiḍ
Ika-yak ṛebbi ay amud-inew lxiṛ
I guland isaffen k-id-isxitirr
Tella-yas luṣiyt digi iɛentitt
Uɣilas tiṭ annin ad ids-innaɣ
Iqqima-nn wawal g tizi n ɛari
Unna-s iɣṛan ayd dad ittɛayan
Awa giɣ nekk aṣeyyad uccen ufiɣ
Ira ad iḍeṛ lmal, qqad uteɣ ammas
A yaxxid-k-id a ṣṣebṛ adday k-ufiɣ
G tassa-new ur i-tteddu g imximman
Terrid a ṣbeṛ tiwura d ayt lmal
Unna mi-tn iga ṛebbi g wul yufas
Ṛeẓmadd i lhedjat--nnek a bu tḥellal
Dɣi ayd ilaqq n wad ak-ferruɣ
Awa ṣayrat-aɣ a widda ḥkemnin
S yan ubrid an ɣez ad afeɣ aman
Illa laden ilin inigan ɣur-i
Ur ti-gwiyeɣ allig ira bu tɛeqqat
Lefra aqdim ayd digun ruriɣ
Uma kan leḥsift yad ur telli
I matta uferras iga bu tmeɛṛat
Awa silyadd azerg i bu lmaṣṣa
Ika-k umzil a leḥdid i wfeṛṛan
Addag inew att-iṛebba bu tḥanut
Is ir’ umzil-nnun ad ittxaḍaṛ
Gwedɣ ad iwet afus-nnes ad itxellas
Nga ɣifes llan dduzan ɣur-i
Xxxxxxxxxxxxxxxxxxxxxxx