Рет қаралды 12,131
2024ko Kilometroen kantua eta bideoklipa.
‘Izpiz izpi’
Hitzak eta musika: Skapaie Elektrotxaranga
Non egin bada
une orokoa berezi
Herritik ta herriarentzat
datorrena hezi
Kabian zenbat trebezi.
Barealdian oskol
Hegaldi azkarrenean gezi
Sasi denen gainetik sortu den lore
Euskararen oinetan harresi
Etor zaitez ikastolak jaia du merezi.
Izpiz izpi piztu elkarrekin
Ikastola auzo herri
Etorkizuneko kimuen buru
gure hizkuntzaren aberri.
Izpiz izpi piztu elkarrekin
Ikastola auzo herri
Auzolanarekin izango dugu
gizartean zutabe berri.
Azpeitin berez
geldirik ez bada erreka
Aurten kilometroen
festa da irriz beteta
Badator katxiporreta!
Kultur-aniztasuna
egunerokoaren oreka
Berdintasunez heziz, biharko okina, maisua, artzaina ta poeta
eskainiz denei merezi duten arreta.
Izpiz izpi piztu elkarrekin
Ikastola auzo herri
Etorkizuneko kimuen buru
gure hizkuntzaren aberri.
Izpiz izpi piztu elkarrekin
Ikastola auzo herri
Auzolanarekin izango dugu
gizartean zutabe berri.
Izpiz izpi piztu elkarrekin
Ikastola auzo herri
Izan eta izango diren hizkuntza
zaharren ikasle berri.
____________________
Abestia 2024ko maiatzaren 10ean grabatu zen Azpeitiko Dinamoan eta bideoa 2024ko maiatza eta ekaina bitartean grabatu zuten Kulturaz Azpeitiko Kultur Kooperatibako kideek.
Eskertzak:
2024ko Kilometroen antolakuntza batzordeak eskerrak eman nahi dizkie Skapaie Elektrotxarangari eta Kulturaz Azpeitiko Kultur Kooperatibako kideei, euren ilusio eta profesionaltasunagatik, eta jai hau doinuz eta irudiz janzteagatik.
Eskerrik beroenak bideoan parte hartu duten ikastolako ikasle, irakasle, langile eta gurasoei, eta, nola ez, bideoan agertu edo ez, egitasmo honetan parte hartu duten herriko eta eskualdeko norbanako eta eragile guztiei: Azpeitiko Gaztelekua, Zaparraie Euskara Elkartea, Juan de Antxieta Musika Eskola, Guka, Kulturaz, Elikagunea, Biur Moda, Villegas Arraindegia, Izarraitz Igeri Elkartea, XeYe Atletismo Taldea, Azpeitiko Udal Liburutegia, Azpeitiko Udal Euskaltegia, Erniarraitz Bertso Elkartea, Azpeitiko Udal Musika Banda, Txolarte eta Atzegi, Ikasberri Dantza Taldea, Iraurgi SB, Lagun Onak Futbol Taldea, Ikasberri Futbol Elkartea, UEMA, Ilunpe Pilota Elkartea eta Azkoitiko Pilota Elkartea, Lagun Onak MB. Eskerrak Euskal Herriko Ikastolen Elkarteari eta Azpeitiko Udalari ere, ezinbesteko sostengu izateagatik.