Мавсими аҳду вафо шуд, эй ситамкорам, биё,
Сарвқомат диданаргис лоларухсорам, биё,
Ваъдаи дидор пур шуд, ин қадар таъхир чиет?
Хушзабон, чобукинон, товусрафторам, биё.
Ҳамчу хуршеди фалак шуд вақти он созӣ тулӯъ,
Ҳурталъат, ай малакхӯ, тӯтигуфторам, биё.
Баски ман зори ҳазин баҳри нисори мақдамат,
Ҷону дил андар кафи худ карда, тайёрам, биё,
Хоку хошоки раҳат бо неши мижгон рӯфтам,
06 пошидам зи ашки чашми хунборам, биё...
Дардмандам аз шифои васли ту дорам умед,
Аз фироқат хаставу ранҷуру беморам, биё.
Даргузаштам ҳамчу Маҷнун аз ҳама хешу табор,
Аз худо васли туро доим талабгорам, биё.
Гар ту дорй қасди қатли хастадил мискин Раҳим,
Ҷону тан, ҳам молу дил, як бор биспорам, биё,