Рет қаралды 424
MADANIYAT VA MA'RIFAT @ Instagram / madaniyat_tv
MADANIYAT VA MA'RIFAT @ Telegram t.me/mm_telekanal
MADANIYAT VA MA'RIFAT @ Facebook / mmtelekanal
Jamila Toshpoʻlatovna Shermuhamedova (1950-yil 18-iyun, Qorakoʻl tumani, Buxoro viloyati, Oʻzbekiston SSR) - oʻzbekistonlik olima, falsafa fanlari doktori (2004), professor (2004).
Biografiyasi
Jamila Shermuhamedova 1950-yil 18-iyun Buxoro viloyati, Qorakoʻl tumani ziyolilar oilasida tugʻilgan[1][2]. 1966-1971-yillarda Toshkent davlat universiteti falsafa fakultetida tahsil olgan. 1972-1973-yillarda Toshkent davlat universiteti tarix fakulteti falsafa boʻlimining siyosiy fanlar kafedrasi oʻqituvchisi, 1973-1976-yillarda Toshkent davlat universiteti aspiranti, 1977-1989-yillarda tarix fakulteti falsafa boʻlimining siyosiy fanlar kafedrasi oʻqituvchisi, katta oʻqituvchi, 1989-2004-yillarda dotsent, 2004-2016-yillarda Oʻzbekiston Milliy universiteti falsafa fakulteti professori, 2000-2008-yillarda Oʻzbekiston Respublikasi huquqshunos ayollar jamoat birlashmasining ijrochi direktori, 2000-2015-yillarda Toshkent shahar Ishbilarmon va tadbirkor ayollar jamoat birlashmasi maslahatchisi, 2005-2011-yillarda Oliy Majlis qoshidagi demokratik institutlar qoʻmitasi eksperti, 2011-2017-yillarda „Hayot I.R.J.O.“ xususiy korxonasi direktori vazifasida faoliyat koʻrsatgan[3]. 2017-yildan respublika Maʼnaviyat va maʼrifat markazi xodimi. Shuningdek, Tadbirkor ayollar uyushmasi aʼzosi va maslahatchisi (1991-yildan), Oʻzbekiston Respublikasi ishbilarmon ayollar uyushmasi faxriy maslahatchisi (1995-yildan)[3].
Mukofotlari
„Oʻzbekiston Respublikasi mustaqilligiga 25 yil“ esdalik nishoni (2016);
„Mehnat shuhrati“ ordeni (2018)[4][5];
„Mudofaa vazirligi faxriysi“ koʻkrak nishoni (2020);
„Xalqlar doʻstligi“ koʻkrak nishoni (2021)[6];
„Maʼnaviyat fidoyisi“ koʻkrak nishoni (2021)[7];
„Oʻzbekiston Respublikasi Qurolli Kuchlariga 30 yil“ esdalik nishoni (2021);
„Moʻtabar ayol“ koʻkrak nishoni (2022)[3];
„Oʻzbekiston Respublikasi Konstitutsiyasining 30 yilligi“ esdalik nishoni (2022);
„Yilning eng yaxshi maʼnaviyat targ'ibotchisi“ nominatsiyasi gʻolibi (2023)[8][9];
„Oʻzbekiston Respublikasida xizmat koʻrsatgan yoshlar murabbiysi“ faxriy unvoni[10].