Бўй бастим навқирон дуолар сабаб,
Кўзимдан ёш оқмас меҳрингиз сабаб.
Юрмайман ўзимни мен ўзим алдаб,
Онажон мен сизни яҳши кураман.
Ғамҳона бўлмагай сиз бор уйларим,
Мени ҳеч қийнамас ёмон ўйларим.
Қалбимдан чиқмоқда ушбу сўзларим,
Онажон мен сизни яҳши кўраман.
Дилингиз вайрона бўлмасин асло,
Дард келса сиз томон топаман даво.
Сиз фақат дунёда мен учун маъно,
Онажон мен сизни яҳши кўраман.
Сиз кулинг ёмонлар аламдан куйсин,
Чидолмай ҳасатдан кўксини ўйсин.
Онам бор сиздайин ҳар кимки билсин,
Онажон мен сизни яҳши кўраман.
Толангиз оқарса ғамга ботяпман,
Қаддингиз эгилса маъюс тортяпман.
Кечиринг қадрингиз энди биляпман,
Онажон мен сизни яҳши кўраман.