Depi kek jou, nan Mon Plonket, populasyon an remake gen moun kap mouri tanzantan, granmoun kou timoun. Pou yo menm pa gen ni de ni twa se lougawou kap fè travay sa. Se konsa, yon mekredi maten, yon sèl lobo ki pete sou Mon Plonket paske ti bebe Anniah a Malad byen grav, prèt pou mouri, e yo deside se dènye moun kap mouri nan kondisyon sa yo. Deblozay pete nan Mon Plonket, lòbèy ap fèt! Moun kanpe sou de ran ap fè zen avèk yon dènye granmoun korias ki fèk vin rete nan zon nan yo rele Grann Exilia. Malerez la di yo se pa li menm ki ta ka touye tout moun sa yo, se kolera ki ap touye mon yo, Wòch ap voye sou do kay li, pifo sa li genyen andedan kay la draze, moun ki ak manchèt yo finn debòde fòk yo touye lougawou sa. Chans pou granmoun nan, vin genyen yon patwouy lapolis k'ap pase ki kanpe pou l' egzamine sitiyasyon an. Te tèlman gen dega ki fèt! komès madanm nan boule! fenèt moun kraze! Lapolis te oblije arete tout moun kite sou lè lye, pami lèkel granmoun nan tou.
Pandan tan sa, lòt moun yo ki rete sou katye a siyen yon petisyon, yo depoze yon plent fòmèl kont granmoun nan. Mèt Giscard Vincent, ki se yon jèn ti avoka byen entèlijan ki rete nan katye a, okouran de sitiyasyon an, li deside defann Grann Exilia. Yo anonse yon jijman nan demen maten