Алматы облысындағы Көлащы ауылында бір отбасының төрт баласы мен әкесі белгісіз заттан уланып қайтыс болды. Түнгі ұйқыға кетіп, сол күйі оянбаған жандардың арасынан анасы ғана аман қалған. Қазіргі уақытта ол ауруханада жатыр. Сұмдық жағдайдан кейін бүтін бір ауыл жұрты үреймен жүр. Көптің көңілін күпті еткен жағдайдың жай-жапсарын әріптесім Бауыржан Жақсымбет кеңірек тарқатады.
Көлащы ауылындағы қайғылы жағдай осында тұратын көпшілікті қатты есеңгіретіп тастаған. Таңертең көршісінің үйіне барған Сердалы Құлекев қожайындарды ес-түссіз жатқан жерінен тауып алған. Дереу арада жиналған жұрт қолдарынан келгенше алғашқы көмекті көрсетіп, аман алып қалуға тырысыпты. Бірақ, үйдің отағасы мен төрт бірдей баласы естерін жимастан көз жұмды. Ал, төрт баланың анасы қазір ауруханада жатыр. Қабырғасы қайысқан тұрғындар бірнеше жылдан бері араласып келген адамдардан дәл бұлай көз жазып қалғандарына қапалы.
СЕРДАЛЫ ҚҰЛЕКЕВ, Көлащы ауылының тұрғыны:
- Ол жерде жүргенде иіс сезу басқа нәрсені байқаған жоқпын. Өйткені сол жарым сағаттан кем болған жоқпын жоғарыда. Массаж жасадым, басқа қылдым. Кейіннен ақырындап алып шықтық.
БАУЫРЖАН ЖАҚСЫМБЕТ, тілші:
- Ауыл тұрғындары қайғылы жағдайға жедел жәрдем көлігінің кешігуі де себеп болуы мүмкін деп отыр. Себебі, үйлері заңдастырылмағандықтан жедел жәрдем көлігін көшенің бұрыш-бұрышынан іздеуге мәжбүр. Қазір тұрғындар да қатты шошып қалғандарын айтады.
ЖАҚСЫБАЙ ҚАППАРОВ, Көлащы ауылының тұрғыны:
- Осы көшенің де аты жоқ. Мына жерді алғанбыз осы уақытқа дейін. Қазір 12,13 жылдай болды. Я документін істемейді. Я болмаса мына көшенің аттары жоқ. Скорый шақырса жаңағыдай бір жарым сағатта ма келді.
Ал Үшқоңыр ауылдық ауруханасының дәрігерлері төрт бала мен әйел адамды жедел жәрдем көлігі бірден ауруханаға әкелді дейді. Бірақ, төрт балапан бір тәуліктің ішінде бірінен кейін бірі көз жұмыпты. Ал, анасының жағдайы жақсарған екен.
НҰРСҰЛТАН ЖҮЗБЕКОВ, «Үшқоңыр» ауылдық ауруханасы жансақтау бөлімінің меңгерушісі:
- Анализдің көрсеткіші бойынша карбокс гемоглобин жоғары көрсеткішін көрдік. Соған байланысты бізде осы анализге тұрақталдық. Көрсетілген көмекке қарамастан төрт баланың өмірін араша болу мүмкін болмады. Аман алып қала алмадық. Қазіргі жағдайда төрт баланың анасы науқас жағдайы жақсы, тұрақталды.
Алматы облыстық полиция департаменті қазіргі уақытта болған оқиғаның мән-жайын анықтау үшін сот-медициналық сараптама тағайындалғанын жеткізді. Сонымен бірге алдын ала қорытынды бойынша көміртегі тотығымен улануы мүмкін дейді.
АЙДАР УМАРОВ, Қарасай аудандық полиция басқармасының басшысы:
- Тергеудің толықтығы үшін Алматы облысының ТЖД зерттеу сынақ өрт зертханасы , Газ қызметі және СЭҚ шақырылды.Алдын ала мәліметтер бойынша зардап шеккендер көміртегі тотығымен уланған.
39 жастағы ер адам мен 15, 13, 10 және 5 жастағы балаларды отбасының жақындары мен ауылдастары жер қойнына тапсырды. Ал, үрей үстінде отырған ауыл тұрғындары енді құжаттарды тезірек рәсімдеп берсе жүргізсе дейді. Өйткені, дәл осындай жағдай тағы да қайталана ма деп қорқады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал