Бүгін қазақ әдебиетінің классигі, ұлт руханиятының қорғаны Қабдеш Жұмаділов 85 жасқа қараған шағында дүние салды. Жазушының "Соңғы көш", "Тағдыр", "Дарабоз" сияқты романдары мен қаншама әңгіме, хикаяттары халықтың сүйікті шығармасына айналған еді. Аса көрнекті жазушының дүниеден өтуіне байланысты зиялы қауым, қалың елмен бірге Мемлекет басшысы Қасым-Жомарт Тоқаев та көңіл айтып, марқұмның отбасына жеделхат жолдады.
Айтатын кезде шындықты осып айтатын, даңқы жазуымен - том-том романдарымен келген Қабдеш Жұмаділов Қытайдың Тарбағатай аймағында туса да, жиырма жасында Алматыға келіп, Әуезовтен де тәлім алған. Әдебиетті өлеңмен бастап, даңқын 36 жасында жазған "Соңғы көш" романы шартарапқа жеткізген.
АЛМАС АХМЕТБЕКҰЛЫ, ақын, мәдениет қайраткері:
- Бүкіл ғұмырында жазған шығармасынан бірде-біреуі банкротқа ұшырамаған кісі. Заманына сай әдебиет шығармалары жойылмаған кісі. Қаламынан туған әрқандай сөз, әрқандай сөйлем өміршең болған адам. Қабекең өзі айтқандай бақытты адам. Қабекең өзі айтқандай бақытты жазушы. Қашанда Қабекең жазған әрбір хат, әрбір сөйлем құран аяттары сияқты халқымен, қазағымен бірге жасайды.
Қазақы сөздің білгірі, рухы биік жазушының жазғаны ғана емес, қоғамдық-саяси мәселеде айтқан сөзі де шыншыл, турашыл болды. Ұлт, рух, қазақ мәселесінде, кешегі Жаңаөзен оқиғасы мен жер митингісі сияқты кездерде Жұмаділов билікке тік келген аз ғана зиялы қауымның ортасында жүретін.
Қабдеш Жұмаділов өмірінің соңғы жылдарына дейін қаламгерлік серті - жазудан қол үзбеді. Билікке немесе басқаға жалтақтамады. Айтарын айтты. Елін сүйді, туған жерін сүйді. Артында қалған ағайын туысына да "Соңғы көш" басып өткен Бақты-Аягөз жолына жерлеуді аманаттапты.
.
.
.
.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #ҚабдешЖұмаділов