Рет қаралды 193,713
Бұл кадрлар осыдан бір жыл бұрын Жамбыл облысында болған қайғылы жағдай кезінде түсірілген. Аяғы ауыр келіншек екі баласын тастап, емханаға кеткенінде үйде өрт шығып, бүлдіршіндер қаза тапқан еді. Сол кезде әкімдік өкілдері қара жамылған отбасыға басу айтып, баспана береміз, құжаттарыңды рәсімдейміз деп уәде берген. Бірақ содан бері жыл өтсе де не пәтер, не құжат алмадық дейді Ринат пен Айжан. Айтуларынша, алғашында уәдені үйіп-төккен шенеуніктер айтқанын орындамақ түгілі, кездесуден қашып жүрген көрінеді.
Қараусыз қалған екі бүлдіршіннің өмірі қиылған қайғылы жағдай осыдан бір жыл бұрын болған еді. Сонда әкімдік өкілдері балақайлардың жерлеу рәсімін мойнына алып, қара жамылған отбасыға қажетті көмекті береміз деп уәде еткен. Бірақ қос құлынынан айырылып, қайғыдан қан жұтқан Сұлтановтар шенеуніктер айтқан сөзінен тайқып кетті деп отыр.
РИНАТ СҰЛТАНОВ, Тараз қаласының тұрғыны:
- Сол бізге берген ғой осы үйді. Тұрасыңдар деп. Сөйтсек бұның қарыздары бар екен. Күнде есігімізді тақылдатады. Светтің қарызы, судың қарызы. Садубаев шешіп береміз деген. Бұл мәселенің бәрін. Әлі жоқ.
Ринаттың Садубаев деп отырғаны сол кездегі қала әкімінің орынбасары Алмас Қадірбекұлы. Ол қайғылы оқиғадан кейін Сұлтановтарды осы пәтерге орналастырып, үй сендердікі ал, өртеніп кеткен құжаттарды жақын арада рәсімдейміз деп сөз берген дейді. Алайда не үйдің не құжаттың мәселесі шешілмеген. Ринат тым болмаса, Қазақстан азаматтығын беріп, жеке куәлігімді жасап берсе, жетеді дейді. Себебі қазір құжатсыз жұмыс жоқ. Ал келіншегі Айжан он айлық нәрестемен үйде отыр.
АЙЖАН ОРЫНБАЕВА, Тараз қаласының тұрғыны:
- Осы үй мен документіміз қиын болып тұр. Соған жәрдем бермей жатыр. Пособие бір жасқа дейінгі балаға аламын. Сонымен комуслуга бар, не бар соның бәрін төлеп отырамыз. Отопление, свет.
Шенеуніктер Сұлтановтар тұрып жатқан пәтер жетімдер үйінің тәрбиеленушісі Сергей Неизвестный деген азаматқа тиесілі деді. Айтуларынша, бір жыл бұрын қара жамылған отбасыны далада қалдырмау үшін меншік иесімен келісіп, оны достарының үйіне орналастырған. Ал бұл пәтерді уақытша паналауға беріпті.
АСХАТ ЕСЕНӘЛИЕВ, Тараз қаласы әкімінің орынбасары:
- Басы бүтін берілген жоқ. Өйткені бұл кісілер біріншіден басы бүтін беретіндей ешқандай үйдің кезегінде жоқ. Бұл кісі кезекке тұрмаған. Оның себебінің бірі бұл кісі не жалғызбасты анаға, не көпбалалы анаға, аталған 11 санатқа ешқайсысына жатпайды.
Әкім орынбасары баспана проблемасын шешіп беру үшін демеушілер іздеп жатырмыз дейді. Ал пәтер сыйлауға қауқарлы қайырымды жан табылғанға дейін Сұлтановтар сол үйде тұра береді. Бірақ Ринатқа азаматтық беру мәселесі әкімдіктің құзырына жатпайды екен.
Нұрболат Жаңабекұлы, Дәулетбай Нұрмахан
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#мұқтаждарға_көмек #баспана #Тараз