🤲🏻🤲🏻Мені шетелге жіберу үшін, үйдегілер қаражат жағынан қатты дайындалды.
Әкем 2-3 тайыншасын,3-4 тайлағын семіртіп сатты. Менен үлкендері айлықтарын жинап әкеліп анама берді. Өз аздаған жинағымды да қостым.
Мақсат: өзі ыңғайлы,жұмсақ, жүргенде қатты ауыртып жанға батпайтын жаңа заманауй технологиядағы аяқ жасату еді.
Бардым. Жасаттым. Қайтадан жаттығып, тәй-тәй басып жүріп үйрендім. Қазақстанға оралдым.
Алдымнан кішкентай алты жастағы Қамбар гүлмен күтіп алды. Үйге қарай көлікпен келе жатқандағы Қамбардың қуаныштан алаулаған жүзін ешқашан ұмвтпаймын. Мені жымыңдап құшақтай береді. Үйге кірген бетте аяғымды бас салып құшақтай салып қарай бастағаны сол еді, бал-бұл жанған бала жүзі лезде сұрғылт тартып,көзі жанары адырайып айбат шегіп мұрны үріліп,көзі қанталап жасқа толып:
“Мама сіз маған адамның аяғындай жұмсақ,жып-жылы аяқ жасатып келемін деп уәде берген едіңіз, мынау тағы қара мұздай суық аяқтың жаңа түріғой”-деп көзінің жасын жасырғысы келді ме, жүгірген күйі тоқтамастан бар дауысымен айқайлап, жатын бөлмеге зу етіп кіріп кетті...
Біз ұзақ сөйлестік, күнде-күнде сөйлестік. Қай нәрсенің де қайыры мен қуанышы барын түсіндіріп өсіруге тырыстым. Кейін Қамбар бәрін менен де жақсы түсінді. Қазір маған ақылын айтады, менің бәз-баяғы қалпымды заманауй қалыпқа бағыттайды. Егер жаңалық шығып жатса ол маған деген Қамбардың еңбегінің нәтижесі. Шүкір...🤲🏻🤲🏻 @k_a_m_b_a_r Бөздейің құтты болсын ҚҰЛЫНЫМ!!!
Ал мына бейнебаян БалаҚамбардың кезіндегі сұрақтарына арналған ұзақ ойланып баланың тілімен түйіндеген жауабым еді. Идея авторы сценариі өзімдікі. Басты кейіпкердің бейне-суретін Әлішер екеуміз салдық. Клипті бастан-аяқ жарыққа жасап шығарған
Моушн-дизайнерлер:
Тұрсұнов Әлішерге @beealish
Болатқанов Ырыскелдіге шын жүректен алғыс айтамын🙏🙏
P.S. Кез келген қиындықты жетістікке айналдырып, өміріңді жадырату өз санаңның үйлестірумен жасалатын сан түрлі әрекет... “Қайда” бейнебаянының толық нұсқасын қабыл алыңыздар🙏 Асықпай мультфильм көріңіздер. Өз ойыңызды қалдырсаңыз қуанамын...