"Қаллиқ ўйини" спектакли
"Маданият ва маърифат" телеканали
Ўзбек Миллий академик драма театри
Эркин Хушвақтов асари асосида
Эркин Хушвақтов 1959 йил 5 мартда Қашқадарё вилояти, Шаҳрисабз туманидаги Чамбил қишлоғида туғилди. Абдулла Қодирий номидаги Тошкент давлат маданият институтининг режиссёрлик бўлимида (1979-1983), Ўзбекистон давлат санъат институтининг олий драматургия курсида (1998-2000) таҳсил олди.
Меҳнат фаолиятини Ўзбек давлат драма театрининг режиссёр ёрдамчиси сифатида (1985-1987) бошлади. Шундан сўнг “Дийдор” театр студиясида актёр (1989-1990), Ўзбек Миллий академик Драма театрида ёритувчи (2001-2004) бўлиб ишлади. Ҳозирда мазкур театрда адабий эмакдош вазифасида хизмат қилади.
Унинг Ўзбек Миллий академик драма театрида А. Қодирийнинг “Меҳробдан чаён” романи асосидаги инсценировкаси (1994), “Чимилдиқ” (1996), “Машраб” (1997), “Қаллиқ ўйини” (2002), “Қирмизи олма” (2003), “Андишали келинчак” (2005), “Рашк” (2008), “Сизсиз ўтмас кунларим” (2010), “Кўнгил” (2011), Ўзбек давлат драма театрида “Эски муҳаббат” (2004), Республика ёш томошабинлар (2004) ва Республика Қўғирчоқ (2007) театрларида “Чўпқўғирчоқ”, Республика ёш томошабинлар театрида “Ҳалоллик тилаб келдим” (2010) каби пьесалари саҳналаштирилди.
“Чимилдиқ”, “Бир куни Афанди”, “Вафо”, “Зумрад ва Қиммат” сценарийлари асосида фильмлар ишланди. Эркин Хушвақтовнинг “Азон овози” (1991), “Чимилдиқ” (1998), “Андишали келинчак” (2005), “Ҳалоллик тилаб келдим” (2009) китоблари, “Чимилдиқ” (2009) пьесалар тўплами нашр этилди. Драматургнинг “Меҳмонжонлардан айланай” номли сценарийси асосида 15 қисмдан иборат телесериал тасвирга олинди.
Эркин Хушвақтов “Меҳнат шуҳрати” ордени (2002), “Ўзбекистон Республикасида хизмат кўрсатган маданият ходими” унвони (2011) билан тақдирланган.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz