Бүгін - қазақ елі үшін тарихта алтын әріппен таңбаланатын күн. Экипаж құрамындағы үшінші қазақ ғарышкері Айдын Аиммбетов бар зымыран көкке көтерілді.
Бұл сәтті халқымыз 14 жыл күткен болатын. Ел-жұрт бар шаруасын ысырып қойып, Байқоңыр кешенін ғарыш кемесінің көккке көтерілу сәтін тамашалады.
Қазақстандық ғарышкер Айдын Ақанұлының сапары 8 тəулікке ұласады. Данияның тұңғыш ғарышкері Андреас Могенсеннің де ғарыштағы уақыты осылай. Ал экипаж командирі Сергей Волков 188 тəулікке қалып, ғылыми жұмыстарын жандандырады. Себебі бұл Волковтың алғашқы ғарышқа сапар шегуі емес.
Ендеше Айдын Аимбетовтың алдында үлкен міндеттер күтіп тұр. Ал зымыран Халықаралық ғарыш станциясына дейін екі тəулікте жететін болады.