Әл-Фараби атындағы ҚазҰУ Телерадиокешені «Қазақстан музейлері» жобасы аясында Сіздердің назарларыңызға Алматы облысының Кербұлақ ауданында орналасқан Шоқан Уәлиханов атындағы «Алтынемел» мемлекеттік мемориалды музейі жайлы шағын бейнефильмді ұсынады.
Бейнефильмнің түсірілімі «Рухани Жаңғыру» мемлекеттік бағдарламасы аясында Алматы облысының Кербұлақ ауданы Шанханай ауылында 2018 жылы 4 тамызда жүзеге асты.
Ұзақтығы: 13:44 мин.
Тілі: қазақша
Музей 1985 жылы 20 қыркүйекте қазақтың аса көрнекті ғалымы Шоқан Шыңғысұлы Уәлихановтың туғанына 150 жыл толу құрметіне орай Алматы облысындағы Кербұлақ ауданы Шанханай ауылында ашылды.
Көлемі 629,4 шаршы метр. Музей - экспозиция, лекция залдары және қор қоймасынан тұрады. Экспозицияны жасасуға Мәскеу, Ленинград, Омбы, Алматы, Фрунзе қалаларының музейлері мен мұрағаттары белсене атсалысты. Бүгінде музейдің негізгі қорындағы жәдігерлердің саны - 755, ал жалпы экспонаттық материалдарының саны - 1014.
Музейдің ерекше ғимараты сәулетшілер - Рүстем Сейдалин, Бек Ибраев, Серік Рүстембековтердің жобасы бойынша тұрғызылып, оған 2012 жылы көркемдеу-жаңғырту жұмыстары жүргізілді.
Музей іргесіндегі төбеге 1979 жылы мүсінші Иулиан Рукавишников пен сәулетші Николай Миловидовтың қолынан шыққан Шоқанның еңселі ескерткіші орнатылған...
#Qazaqstan_muzeileri #AlFarabiUniversity #TRCKazNU
#AlfarabiTV
#Altynemel
#TRCKazNU
#AlfarabiKazNU
#Shokhan
#dauryatm