БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Елімізде тасқын салдарынан құс еті мен жұмыртқаның бағасы қымбаттауы мүмкін. Өйткені қарғын судан кейін алқаптарға құрт-құмырсқа, қауіпті жәндіктер көп таралады деген қауіп бар. Топан судың кесірінен зиянкестер егістікке шабуылдап, өнімнің шығуына кері әсер етуі мүмкін. Сондай-ақ, синоптиктер жазда аптап ыстық болады деп отыр. Құрғақшылық та шаруаларды тығырыққа тірейтіні анық. Мамандардың болжамы қандай? Бағаның өсуіне тағы қандай факторлар әсер етеді? Әріптесімнің материалын көрейік.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Күзде құс еті мен жұмыртқаның бағасы қымбаттауы мүмкін. Өйткені жем-азықтың бағасы өседі деген болжам бар. Оған қоса, құс өсірушілер мен жұмыртқа өндірушілер былтырдан бері көмек ретінде берілетін субсидиядан да құр қалған. Себебі, еліміз өнімнің бұл түрімен ішкі нарықты толық қамтамасыз етіп отырғандықтан мемлекеттен қаржы берілмейтін болған екен.
ҚАЙРАТ МАИШЕВ, ҚР Жұмыртқа өндірушілер қауымдастығының президенті:
- Құс өсірушілер табысының 70 пайызы жем-азыққа жұмсалады. Яғни, дәнді, майлы дақылдар қымбат болса өнімнің бағасы да өседі. Сол үшін жыл сайын алқаптардан жиналған астық биыл азайып, бағасы өссе жұмыртқа мен құс еті де 20 пайызға дейін көтеріледі.
Мамандардың сөзінше, өнімнің қымбаттауына бірнеше фактор әсер етуі мүмкін. Тіпті биылғы тасқын судың зардабы да тиеді дейді. Өйткені қарғын судан кейін алқаптарға зиянкестер де таралуы мүмкін. Оның үстіне кей өңірлерде шегіртке қаптайды деген болжам бар. Сондай-ақ, синоптиктер мамыр мен маусым айлары құрғақ әлі ыстық болады деп отыр. Соның салдары егіннің мол шығуына кедергі жасауы ықтимал. Ал ауыл шаруашылығы министрлігі шаруаларға қазірден бастап қамдану керек деп отыр.
ҚР АУЫЛ ШАРУАШЫЛЫҒЫ МИНИСТРЛІГІНІҢ БАСПАСӨЗ ҚЫЗМЕТІ:
- Ауыл шаруашылығы министрлігі ауылшаруашылық тауар өндірушілеріне егістік алқаптарында өсімдіктерге ұзақ уақыт жауын-шашынның болмауына төтеп беруге мүмкіндік беретін ылғалды сақтау жұмыстарын жүргізуді ұсынады. Биылғы жылы жауын-шашынның болмауы мүмкін деген болжамға байланысты мал өсіруші фермерлер мол жем-шөп қорын жинақтауы қажет.
Қазір еліміздің көп бөлігінде көктемгі егістік жұмыстары басталып кетті. Ал мамандар азық-түлік өнімдерінің бағасы күзде қамбаға түсетін астық көлеміне қарай өзгеруі мүмкін дейді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық