Рет қаралды 16,460
Бұдан былай қалаған адамыңыз туралы ақпаратты интернеттен іздеп таба алмайсыз. Енді қазақстандықтардың дербес деректері заң жүзінде қатаң қорғалады. Ол үшін арнайы дербес деректерді қорғау сервисі енгізілмек. Яғни, кез келген Қазақстан азаматы өзі туралы заңсыз таратылған ақпарат үшін мемлекеттік немесе өзге органды жауапкершілікке тарта алады. Алайда бұл өзгерістің журналистерге ешқандай қатысы жоқ.
РУСЛАН АБДИКАЛИКОВ, ҚР ЦДИАӨМ Ақпараттық қауіпсіздік комитетінің төрағасы:
- Бұл өзгерістің журналистерге еш қатысы жоқ. Өйткені олар "БАҚ туралы заңға" сәйкес жұмыс істейді. Сәйкесінше, олар деректерді қолдана алады. Ал басқа мемлекеттік органдар, соның ішінде құқық қорғау органдары азаматтың келісімінсіз оның жеке деректерін пайдалана алмайды.
Ақпараттық қауіпсіздік мамандарының айтуынша, Қазақстандағы банктер мен электронды үкіметтің де ақпараттық жүйесінің қорғалуы тым әлсіз. Ал мұндай кемшін тұстарды комитетке жеткізген адамдарға ақшалай сыйлық беріледі екен. Сондай-ақ мамандар мессенджерлер арқылы кез келген адамның дербес деректерінің таратылуы заңмен қудаланатынын айтты.
РУСЛАН АБДИКАЛИКОВ, ҚР ЦДИАӨМ Ақпараттық қауіпсіздік комитетінің төрағасы:
- Мұндай ақпараттар қылмыскерлер қолына түссе жағдай қиын болуы мүмкін. Тұрғындардың жеке деректерін уатсапта таратқан Нұр-Сұлтандағы екі тұрғын үйдің басқарушы компаниялары жауапкершілікеке тартылып, 2 айлық есептік көрсеткіш көлемінде айыппұл төледі.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#интернет #дербес_деректер