Қаз дауысты Қазыбек би Келдібек ұлы жатқан киелі Түркістан
Достар, біз осы уақытқа дейін ұлы жүздің төбе биі Төле би Әлібекұлы мен кіші жүздің төбе биі Әйтеке би Байбекұлы жатқан жерлерін түсіріп келдік. Ол туралы бейнені жоғарыдағы сілтемелерден көретін боласыздар.
Кесенеге қызылорда жолымен қаланың сыртынан кіргендіктен, яндекс бізге осы жолды көрсетті. Қаланың ішімен жүрсек жол басқаша болар еді. Ал мына жерде қазіргі уақытта құрылыс жұмыстары қызу жүріп жатыр екен.
«Әзірет Сұлтан» мемлекеттік тарихи-мəдени мұражайы
Сопылық поэзияның жолын салған, ақын, ойшыл Қожа Ахмет Ясауи кесенесі Әмір Темірдің жарлығымен 14 ғасырдың аяғында бой көтерген. Бүгінгі таңда бүкіл түркі жұртының, қадір тұтатын киелі орны. Кесене қазақ халқының тарихымен тұтасып кеткен. Бұл жерде Әзірет сұлтанмен қатар қазақ хандары, билері, датқа, сұлтандары, аталықтар, батырлар және бас аяғы 232 игі жақсылар жерленген. Орта жүздің төбе биі Қаз дауысты Қазыбек би Келдібек ұлы бабамызға да топырақ осы жерден бұйырған.
#қазыбекби #арғын #қаракесек #өміртамаша