#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Sikur të mos mjaftonin 46 vite dhunë nga bashkëshorti i saj, sot 67-vjeçarja nga Vlora ndjehet ende e rrezikuar prej tij. Urdhri i lëshuar nga Gjykata e Shkallës së Parë Vlorë, më datë 24.10.2022 me afat deri me datë 24.02.2023 është anuluar gjatë një seance gjyqësore në të cilën Engjëllushja nuk ka qenë presente. Pak ditë më parë në shtëpinë e 67-vjeçares është paraqitur një punonjës i përmbarimit, i cili i ka komunikuar gojarisht vendimin e marrë nga Gjykata e Apelit më datë 27 dhjetor 2022, që anulon urdhrin e mbrojtjes së lëshuar më 24.10 2022 si dhe rikthimin e bashkëshortit Stefan Meksi në banesë. Për Engjëllushen kjo është e pamundur, pasi ajo nuk mund të jetojë në të njëjtën çati me burrin dhunues, me të cilin tashmë është edhe në proces divorci. Ajo ndjehet jo vetëm e frikësuar, por e rrezikuar nga ajo që mund të ndodhë. Çifti janë prindër të tre fëmijëve, të cilët jetojnë në emigracion. Ata nuk kanë asnjë marrëdhënie me babain e tyre, ndërsa me nënën kanë komunikime të vazhdueshme.
Prej vitit 1994 familja Meksi emigruan në shtetin grek ku jetuan për afro 28 vite. Një nga arsyet pse burrë e grua u kthyen në atdhe ishte konflikti që ndodhi në Greqi mes Stefanit dhe një tjetër personi. Të dy mbërritën në Shqipëri, në shkurt të vitit 2022 për të jetuar në qytetin e lindjes, në Vlorë. Por mesa duket për gruan 67-vjeçare dhuna nuk do të merrte fund, përkundrazi ajo do të ishte gjithnjë nën kërcënimin e vazhdueshëm të burrit 69-vjeçar, nga i cili nuk po gjen dot shpëtim...
Kjo histori u rrëfye nga Engjëllushe Meksi pak ditë më parë në studion e emisionit 'Pa Gjurmë' ndërsa bashkëshorti Stefani reagoi në minutat e fundit të transmetimit.