Рет қаралды 348,337
Мектептерде кеше ғана соғылған соңғы қоңыраудың соңы орны толмас қайғымен аяқтала жаздады. Атырау облысында салтанатты шарадан шыға сала көлікпен кортеж жасаған 20 түлек жол апатына ұшырады. Салдарынан бір оқушы жарақаттанып, ауруханаға түскен. Тағы бір жүргізуші дәрігерлер бақылауына алынды
Кортеж жасап жолға шыққан түлектер Қызылбалық ауылында оқыған екен. Олар жол ережесін өрескел бұзып, жылдамдықты асырған. Тіпті кейбірі көліктердің терезесінен шығып айқайлаған. Кенет оқушылар мінген көліктің бірі апатқа ұшырайды. Жантүршігерлік жол апаты кезінде балалардың бірі машинаның астында қалып қойса, енді бірі рөлге қысылып қалған. Қайта құтқарушылар көмекке дер кезінде жетіп, оқушылар дәрігерлер бақылауына алынды. Артынша түлектердің барлығы полиция басқармасына жеткізіліп, ата-аналары шақыртылды.
ДИНАРА СЕМБАЙ, Атырау облысы полиция департаментінің ресми өкілі:
- Қала аумағында мектеп түлектерінің көлік басқарып, көлік құралының терезесінен денесін шығарған деректер Сергек камералары арқылы дер кезінде анықталды. Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы бойынша 2 автокөлік анықталды, аталған автокөліктерде болған 20 жасөспірім полиция басқармасына жеткізілді.
Ақтауда да мектеп бітірушілер соңғы қоңырауды дәл осылай «дүркіретіп» атап өтпек болған. Жасөспірімдер мемлекеттік нөмірі жоқ көлік терезелерінен шығып ленталар желбіреткен. Ақтаулық полицейлер қоғамдық тәртіпті бұзған оқушыларды бірден анықтап, оларға түсіндірме жұмыстарын жүргізген. Ал түлектерді тасыған жүргізушілері әкімшілік жазаға тартылып, айыппұл арқалады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал