Рет қаралды 215,758
БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Еліміздің бірнеше өңірінде тасқынға байланысты төтенше жағдай жарияланды. Қазір Қостанай, Ақтөбе мен Батыс Қазақстан облыстарында жағдай күннен күнге ушығып, су басқан аудандардың саны артқан. Абай мен Ақмола облыстарында да қауіптің беті қайтпай тұр. Көпірлер құлап, су шайған жолдар көбейді. Қатынас қиындап, баспанасы су астында қалған 5 мың 400 тұрғын қауіпсіз жерге көшірілген. Нақты қай өңірлер қазір сумен алысып жатыр? Өңірдегі әріптестерім тасқынға байланысты соңғы жаңалықтарды айтып берсін. Әріптестер?
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
КӘМШАТ ҚОПАЕВА, тілші:
- Тасқынға байланысты төтенше жағдай жарияланған өңірлердің бірі - Ақтөбе. Қазір суда қалған аймақта жағдай ушығып барады. Қаланың іші де көлкіп тұр. Ал, резеңке етік киген халық өз беттерінше құм төсеп, еріген қар суын үйлерге жеткізбеудің амалын жасап жүр. Күні кеше қала іргесіндегі су қоймасы толып, Елек пен Қарғалы өзендерінің бойындағы үйлердің көбін су басып қалды. Тасқын суының қатты ағысын көрген қараша дүние-мүліктерін тастап, жақындарын жағалап кетті. Ал, баспанасынан шыға алмай қалған бас-аяғы 1500-ға жуық адамды құтқарушылар қаладағы мектептерге орналастырып жатыр. Олардың білім ошағын қанша уақыт паналайтыны әзірге белгісіз. Уайымға салынып, бойларын үрей билеген тұрғындардың үйлеріне қайтқысы жоқ. Сондықтан абдырып қалған халық жергілікті биліктен көмек сұрайды.
АЙДАНА КЕНЖЕҒҰЛОВА, Ақтөбе қаласының тұрғыны:
- 15 минутта үйден шығып үлгердік. Ештеңе алып үлгерген жоқпыз. Бір жарым айлық бөпем бар. Мектеп директоры баланы тоңдыртпау үшін машинаға салып алып келді. Су басып кетті. Бүкіл зат қалды. Бәрі жеткілікті. Тек ертең баратын жер жоқ. Осы мектепке әкелерде бір күн деген.
ШЫНАРГҮЛ АҚБАЛИЕВА, Ақтөбе қаласының тұрғыны:
- 2017 жылдан бастап жылда суға кетеміз. Речканың жанында тұрамыз Қарғалының. Үйлеріміз жылда кептіреміз, көктемде суға кетеді. 2017 жылдан бері қойып жатқан талабымыз, бізді көшіріңіздер. Біздің қазір үш күндік күніміз емес, бала-шағамыздың ертеңгі болашағы керек болып тұр. Біздің балаларымызды нақты көшетін, құрғақ жерге отыратын үй керек.
Қаладан бөлек аймақтағы Мұғалжар, Темір, Қобда аудандарында да жағдай мәз емес. Мұнда белуардан суда тұрған әлеуметтік нысандар көп. Жұрттың қора-қопсысы, төрт түлігі түгел ағып кетіп жатыр. Ресми мәлімет бойынша, аймақта 500-ге жуық үй су астында қалып, үш мыңға жақын адам эвакуацияланған. Әзірге біздегі жағдай осы. Абай облысындағы әріптесіме сөз кезегін берейін. Динара?
ДИНАРА ЕРБОЛҚЫЗЫ, тілші:
- Абай облысының екі ауданына да жергілікті ауқымдағы төтенше жағдай жарияланды. Мұнда Ақсуат ауданындағы Боғас өзенінің деңгейі көтеріліп, Кіндікті ауылына апаратын көпірдің асфальті опырылып түскен. Сондай-ақ, арыны қатты ағын су бір бөгетті шайып кетті. Құтқарушалыр Кіндікті мен Уаң ауылынан бас-аяғы елуден астам адамды қауіпсіз жерге көшірді. Қиын-қыстау сәтте тұрғындар да жұдырықтай жұмылған. Әсіресе ерікті жастар қиналған, бойларын үрей билеген бұқараға көмек көрсетуде.
НӘЗИМА АБДЫРАХМАНОВА, Аягөз ауданының тұрғыны:
- Осы көшенің тұрғындарына, көшенің балаларына келіп көмек жасап, жағдай жасап бәрі жүгіріп неткеніне көп алғыс айтамын. ....Осы үш күн ішінде бірі жанталасып техника әкеліп, судың деңгейін аударып, көшіріп сондай жағдай жасап жатыр. Автобустарын алып келіп, көршілерді, кісілерді, балаларды әйел адамдарды басқа жерге қауіпсіз жерге көшірді.
Ал, Аягөз ауданында суға ағып кеткен үш адам әлі іздестіріліп жатыр. Құтқарушылар тек тракторды тапқан екен. Төтеншеліктер қазір аудандарды бақылауға алған. Айгүл, Ақмола облысында ахуал қандай?
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық