يا صاح من باب التعامل بالانصـاح
و معاملـة الانسـان للآخريني*
يا صاح لا تشغلك دنياك يـا صـاح*
تقطع حبال الوصل بينـك و بينـي*
خل القلوب اصحاح و البال مرتـاح
نرتاح في الدنيا و اجيك و تجينـي*
لا طاح سهم البورصه و الذهب طاح
قامت سهـوم الطيـب و الطيبينـي*
مثل ولد راجح عبيّد بـن شـلاح
إللـي تذكـر حاجتـي مانسيـنـي*
تبناله البيضا علـى كـل مضـواح
من ساحة التبـع الـى الفرقدينـي*
وبني هزر ربعه بواليـج الاصبـاح
تودع دواجيـر الدجـى شقرتينـي*
روس التغالب مرويه علط الارمـاح
خضر النمش و مذلقـات العرينـي*
مطنخ الفزعه عشاشيـق الامـداح
كـل يقـول ان اللـزوم يعنيـنـي*
شومي لهـم يا أم الخلاخيـل والداح
لا جا المزاحم في الشهير الثمينـي*
أمجادهم غنا بهـا الـورق صـداح
مع هل المسحوب و اهل الهجينـي*
بقيادة شيـخ ٍ للمهمـات نطـاح
زيزومها الصاري طليق اليمينـي*
ربعي و نجمي في سما مجدهم لاح
اكلـب مدلهـة الغريـب الحزينـي*
سداتنا ماهيب للغيظ تنبـاح
و بخوتنـا مـا تظلم الغايبينـي*
و لا نستغل الطيب من نادي الـراح
و حاجاتنا مـا تجهـد المستحينـي*
و ما حن نسعى للتجاير و الاربـاح
ما حصلوها اجدادنا الاولينـي*
مثل الفهود أرزاقنا نهب و صيـاح
تزيـن و لاّ جعلهـا مـا تزيـنـي*
ما طاح في فـم الفهـد جايـع راح
و ما طاح من فم الفهد للحصينـي*
الشاعر - سعد بن جدلان