Рет қаралды 5,568
Атырау облысының Құлсары қаласында әкімдік алдында бірнеше күн тұрған тұрғындар тарады. Тасқын судан зардап шеккен тұрғындар Жылыой ауданы әкімдігі алдындағы алаңға 15 мамырда жиналған еді. Олар суға кеткен үйдің өтемақы мөлшерін көтеріп, ол соманы қолға беруді және шығынды есептеу жұмыстарын тезірек аяқтауды талап еткен болатын. Бір аптаға жуық алаңды босатпаған халықтың бұл талабы орындалды десек болады. Бүлінген мүлікті бағалау жұмысы осы аптаның соңына дейін аяқталатын болды.
Ішкі істер министрлігі Құлсарыда алаңға шыққан тұрғындар арасынан ешкім ұсталған жоқ деп мәлімдеді.
Ал Атырау облысының жедел штабынан мәлім еткендей, үйі суға кеткен Құлсарының 357 тұрғыны өтемақы алу туралы келісімге қол қойды.
Қазір Құлсары қаласында бағалау нәтижесін таныстыруға 20 мобильді топ жұмылды. Олар күшейтілген режимде жұмыс істеп жатыр. Мобильді топтар барлық бағалау толық аяқталғанға дейін демалыссыз жұмыс істейді.
Соңғы мәліметтер бойынша, Құлсары қаласында 209 тұрғын баспанасын қалпына келтіруге өтемақы алды. Оның ішінде 47 отбасына жаңа үй салу немесе сатып алу, 162 адамға жөндеу жұмысы үшін өтемақы төленді
Атырау облысының әкімі Серік Шәпкеновтің айтуынша, 18 мамырда Құлсары қаласының «Болашақ» шағынауданында 70 үйдің құрылысы басталған. Бұл шағын ауданда 150 үй салу жоспарланған. Тұрғын үйлердің құрылысын күзде аяқтау көзделіп отыр. Қазір құрылыс компаниялары 80 жеке үйдің іргетасын қалауға дайындық жүргізіп, топырақты тегістеп жатыр. Шағын ауданда баспанамен бірге жол да салынады, ал өзге инженерлік коммуникациялар жүргізіліп тұр. Типтік үлгідегі жаңа үйлердің ауданы 80 шаршы метр болады. Тұрғын үйлермен бірге 2 мың орындық Binom мектебін, 300 орындық балабақша салу жоспарланған. Сондай-ақ шағын аллеялар да салынады.
Бұдан бөлек 21 мамырда су тасқыннан қырылған малға өтемақы төлеу басталды. Құлсары тұрғындарының 876 малы мен 532 құсы тасқын судан өлгені анықталды.
Telegram Qaz - t.me/QazAqparat_kz
Telegram Rus - t.me/kazinform_news
Instagram - / @kazinform_kz
Instagram - / @kazinform
Facebook - / @Kazinform
Facebook - / @Казинформ
Jibek Joly online: jjtv.kz/kk/live
Cайт - kaz.inform.kz/
#kazinform #қазақпарат #Жаңалықтар