Рет қаралды 12,372
Жамбыл облысының әкімі Б.М.Сапарбаев,Жамбыл облыстық ПД бастығы Ж.Сүлейменов,ҰҚК-ң жамбыл облысы бойынша департаментінің бастығы М.Ирменов, ҚР Сыбайлас жемқорлыққа қарсы іс-қимыл агенттігінің Жамбыл облысы бойынша басқармасының бастығы Ә.Әшірбаев,Жамбыл облысының прокуроры Н.Әбдіров мырзалардың назарына.
Мен ,Есмаханов Нұржан, Жамбыл облысы Сарысу ауданы Саудакент ауылының тұрғынымын. 2021 жылғы сәуір айының 7-ші жұлдызында түс ауа сағат 16-30 шамасында осы ауылдағы Қ.Асанұлының бойында орналасқан «Ақ бота» балабақшасынан көмір тиелген екі «КАМАЗ» автокөлігі және погрузчик шықты.Осы екі автокөліктін бірін ,яғни 080 MYR 08 номерлі «КАМАЗ»-дың артынан келе жатқанымда 080 АТТ 08 нөмерлі шетелдік жеңіл автокөлік қуып жетіп алдымызға шығып алып тоқтатты. Ауыл азаматы Темірхан Ақмағанбетов «менің көмірім деген соң» учаскелік полиция өкілі Руслан Мұсаевқа хабар бердім. Байқадам ауылдық аймағының әкімі Амантай Назарбековқа хабарласып едім «менің көмірге қатысым жоқ» деді. «Ақ бота» балабақшасында полиция уәкілі Даулет Хасанов Байқадам ауылдық аймағы әкімінің орынбасары Мейіржан Уксикбаев және балабақша меңгерушісінің міндетін уақытша атқарушы Зауре Қуанышбековалардың алдында осы балабақшаға көмір түсіру тендерін ұтып алған азамат Темірхан Ақмағанбетов көмірді қайта шығарып жатқанына байланысты ешқандай құжат көрсете алмады. «Екі котелды ауыстырған,мен әкелген көмір жанбаған соң жаңа көмір әкелгенмін, соның есебінен бұрын түсірген көмірімді әкетемін» деп дөрекі сөйлеп жауап қатты. Осы күні аудандық ішкі істер бөліміне балабақшаның шаруашылық меңгерушісі Шорабек Кукушев, Т.Ақмағанбетов және мені шақыртып тергеушілер түсінік алды. Ертесіне,яғни 08.04.02021. күні түс ауа сағат 16-00 шамасында менің үйіме келіп Саудакент ауылының полиция учаскелік уәкілі полиция капитаны Руслан Мұсаев өзі істі қысқартқаны туралы ауызша хабарды айтты. «Көмірді балабақшадан алып шығу жөніндегі, сонымен қатар басқада іс құжаттарды анықтадыңыз ба?» деген сұрағыма Р.Мұсаев «Аудандақ білім бөлімінің бастығы Ильяс Баймағанбетов пен Т.Ақмағанбетовтардың арасында ауызша келісім болыпты,оны шаруашылық меңгерушісі Ш.Кукушевте өз түсінігінде жазыпты ,содан істі тексеру маған тапсырылған соң мен істі жаптым» деді. Сонда қалай,мемлекеттік дүние мүлік ауызша ары-бері жүре береді ме? Тергеушілер,немесе осы істі анықтаған учаскелік полиция уәкілі қандай құжаттарды көтеру керек екенін мен жазбай отырмын.Өйткені ол іс-қағаздарды білім бөлімінің қызметкерлері жасырын алдын-ала дайындап қоюы мүмкін. 08.04.2021. күні сағат 16-30 дан өте бере мен аудандық ішікі істер бастығы полиция подполковнигі Асхат Альметовке хабар берейін десем денсаулығына байланысты бюллетенде екен, қызмет жөніндегі орынбасары Мадияр Қожахметов кезекті демалыста екен, тағы бір орынбасары Әбдіманап Шілменбетовке хабарласып едім, ол кісі «мен тек ішкі тәрбиесіне жауап беремін» деді.Менің түсінбей отырғаным небәрі 5-6 сағаттың ішінде балабақшада болып жатқан жағдайды, көмір туралы, учаскелік полиция уәкілі Р.Мұсаев қалай анықтап үлгерді екен.Немесе ағаларына жақсы көрінгісі келді ме? Аудандық білім бөлімінің басшысы Ильяс Баймағанбетов жағалбайлы руынан, көмірдің қожасы Темірхан Ақмағанбетов жағалбайлы руынан,И.Баймағанбетовке жақын ағайын болып келеді. Ал істі қараған учаскелік полиция уәкілі Руслан Мұсаев,таң қалмаңыздар,ол да жағалбайлы руынан.Үшеуі де біб-біріне жақын ағайын болып келеді екен. Сонымен қатар көмірге қожа болып жүрген,балабақшада білгенін істеп жатқан Темірхан Ақмағанбетов туған жиеніне, кезінде ауданымыздың әкімі болып жүріп 2020 жылғы маусым айында Жамбыл облыстық әкімдігіне аппарат жетекшісі болып тағайындалған Қанатбек Мәдібекке сеніп отырған шығар.Өйткені маған дөрекі сөйлеп «Сен» деп айқайлап «мені тексеруге қандай правоң бар» деп маған қоқан-лоқы көрсетті. Бұл азамат ҚР Президенті Қасым-Жомарт Тоқаевтың айтқандарын оқымаған болар.«Ақ бота» балабақшасына тендер бойынша 341 тонна көмір жеткізілу керек екен. 15.10.2021.-19.01.2021 жылы аралығында пандемияға байланысты балабақшада балалар болмаған.Мен Қ.Асанұлы көшесінде тұрамын, үйім балабақшаға жақын орналасқан. Жоғарыда көрсетілген ,және бергі уақытта да котельный толыққанды жұмыс атқарды деп айта алмаймын,өйткені мұржасынан будақтап шығып жатқан түтінді байқамадым.
«Ақ бота» балабақшасындағы көмір мәселесімен қайтадан тергеу жүргізілуін талап етемін.
Есмаханов Нұржан. «Тәуелсіздік таңы Желтоқсан» РҚБ-ң Сарысу ауданы бойынша филиалының төрағасы, «Жамбыл облысы Желтоқсан-86» ҚБ-ң Сарысу ауданындағы уәкілі. 87713961086,87754018564.