سلام الاخت فضيلة بالنسبة لنداء تاع الشيخ لي بلغ رسالة الاخ قصير القامة لي حاب يتزوج عندي اختي قصيرة القامة ان شاء الله إلا كاين مكتوب نديرو الخير من فضلكم متتجاهلوش المنشور نتاعي ... سلام

يامن تقرؤن تعلقي. ادعولي ربي يرزقني بوليدات قلبي يحترق وربي يجازيكم اتفكروني بالدعاء ماتنسونيش

فضيلة عندي طلب قولي لشيخ امانة يدعي لي ابنتي مريضة مرض السلياك ام ارفدو يديكم اعزائي ودعولها شفاء العاجل

:قال رسول الله صلى الله عليه وسلم يأتي زمان على أمتي القابض فيه على الدين كالقابض على الجمر صدقت يارسول الله اللهم اهدي أمة محمد

ادعولي نحمل من فضلكم يقولو دعوة الغريب مستجابة ربي يرزقني بذرية ربي يرزق كل محروم ربي لا تذرني فردا وانت خير الوارثين

يا فضيلة رحمة على والديك عودي خلي عباد الله تحكي متقطعيش هدرتهم يا جدك طفلة تحلفلك وانت تقوليلها مكانش اعز من ولد لولد ياخا لعجوزة عمرها لا تحب لكنة قليل تلقى عجوز تخاف ربي في مرت ولدها وتعاملها كي بنتها.

لراه يقرا في تعليقي يدعيلي ربي يرزقني غير بكوزينة والله راني في غبينة

يا فضيلة تتكلمي من منطلق عجوزتك الطيبة وامك الكريمة ولكن والله والله غير يوجد عجائز أشد من شياطين الجن

والله يا ختي فضيلة انا تزوجت صغيرة وطلقت وجبت طفلة والحمدلله عاودت حياتي مع راجل عازب وبنتي عايشة معايا وتعيطلو بابا والله العظيم وجبت معاه طفلة ويحب بنتي كتر من بنتو وجامي يدير التفرقة بيناتهم ربي حنين كريم

بعيدا عن برنامج خط أحمر 😍 هادعولي ربي يلاقيني بوحدة كمن راه حابها قلبي ❤

عجوزتي مشاء الله ربي يخليها ويحفظها متهدر مدخل روحا حدها حد روحا والجامع والصلاة راني في تلات سنين مسمعتش كلمة العيب منها والو حمد الله

سلام اختي فضيلة نحب نجوز معاكم بلاك نصيب اصحاب الخير لي يعاونوني انا مطلقة وعندي مرض مزمن و3بنات ونتمنى نلقى لي يوقف معايا في سبيل الله

انا نقولكم كاين أمهات ميحبوش ولادهم ميحبوهمش يشوفوهم سعداء مع نساهم من باب الغيرة وأسباب ....

واقيلة الطبيب النفساني محمد والشيخ دارو القلب وبطلو من هذي الخصة وتهناو من فضيلة وقالولها رانا خليناهالك اقعدي فيها وحدك ولله غير نستعرف بيهم اااسيدي رباتنا لاكريز اشبعي بحصتك

والله عجب انا متمنيا نزوج وليدي ونشوف ولادوا او نرفدهوم قبل منموت وهدي شيبت النار خربت بيت عروستها ربي ينتقم منك نشالله يا حباب ربي ادعولي نالله نفرح بولادي عن قريب نشالله

يامن تقرأ تعليقي ...ادعولي بشفاء 😣

انا تزوجت راجل مطلق والحمد لله راني في نعمة وسعادة.

ادعولي ربي ينجح ابني المريض الي السنة الثالثة ثانوي راهو كرهلي القراية وادعيولوا ربي يهديه ويشفيه من رجلو راهو دار ٤عمليات ومنجحتش حتي وحدة رهوا يتيم وانا امه راني نقاصي معاه والله ما لقيت اللي يعاوني باه نديه لتركيا للعلاج دعوة ٤٠ غريب مستجابة ارجوكم محتاجه الدعاء ياجزايريين يا محبين للخير

أنا عجوزتي كي ولدت عزلتني فالشمبرة تاعها وماحبتش تخلي راجلي يشوف بنتو والله غير بالذراع باش رجعت للشمبرة تاعي قاتلي حرام ترقدو مع بعضكم يسخف عليك وانا بالخيط وحالتي حالة ما خلاتنيش نشبع حنانة من راجلي وفرحتي خسرتهالي

سلام عليكم عندي 27يتيمة تزوجت ودارت في عزوجتي الباطل الباطل كانت مجوعتني والله الذي لا اله الا هو يروح راجلي خدام مايجيش 3ب5كل مرة وكفاه ودارنا بعيد صومتني عندها بلا رمضان وماكفاهاش زايدا المشاكل ماقدرش نصبر طلقت حسبي الله ونعم الوكيل في لي ظلمني إسمي مطلقة ظلما من عجوز حاجة بالكذب تتساءلو أين دور الراجل لايعلو صوت فوق الطاغية أمه الله يغبنها في الدنيا قبل الاخره و اسمحولي وادعولي بالخير وشكرا.

لم أجد غير منبر هذه الحصة لأعلق على مايثلج صدري و يثقل كاهلي و الذي أضحى هاجس في حياتي و هو فكرة الزواج ، بالرغم من التزامي و الحمد لله إلا أنني لم أجد من تشاركني في طاعة الله و رسوله صلى الله عليه و سلم ، فقد شارفت على الثلاثين والله تعبت و هذا المشروع قد استهلك الوقت الكافي . شكرا ربي .

حوجي انا شحال غاضتني المرا اللي داو لها بنتها من السبيطار ياااااا رب ارأف بحالها ورجع لها بنتها

اختي ياسمين ربي يعوضك احسن منو. تهنيتي من شخص ضعيف الشخصية لا يستطيع الموازنة بين الامور

الام كي تشوف بنتها مهنيا تقول الله يدوم عليها ومين تشوف كنتها مهنيا تقول راهي ساحرا ولدي.رانا عايشينها وراني شبعانة منها.

حسبيا الله و نعم الوكيل حسبيا الله و نعم الوكيل حسبيا الله و نعم الوكيل حسبيا الله و نعم الوكيل في كل زوج ظالم و في كل أم زوج ظالمة حسبيا الله و نعم الوكيل في كل زوج كان عديم المسؤولية و لم يتحمل قرار زواجه حسبيا الله و نعم الوكيل في كل من أخذ بنت من بيت أبيها و بعد فترة أدخلها المحكمة 😢😢😢 وكما تدين تدان 👌👌👌👌والله المستعان حسبيا الله و نعم الوكيل و كفى با الله وكيلا

ربي اعوضك خير يا ياسمين‘‘الله يمهل ولا يهمل ‘‘ان مع العسر يسرا‘‘ كل يوم قولي ورددي ‘‘حسبي الله ونعم الوكيل‘‘وقولي قول سيدنا نوح عليه السلام‘‘ربي اني مظلوم فانتصر‘ربي افرج عليك يا اختي لعزيزة‘

كاع الناس مشي كعجوزتي لي في فعمرها قريب ٩٠ عام و تقول المعاني ليا دايمن و تكرهني و مشي قابلة بيا مع انها هي كانت راضية عليا في الاول و من بعد كرهتني هي و بنتها المطلقة و تقول لي كل غاشيهم لازم يكرهوني كيفهم حتى راجلي يحرشوه عليا و وذني تسمع حسبي الله و نعم الوكيل في عجوزتي و بنتها ليوم القيامة

"الضلم ضلمات يوم القيامة" 😥😢😞

الطبيب النفساني محمد هربتيه مسكين كرهتيلو حياتو 2 كلمات ما تخليهش يقولهم على بعض 😤😤😤

يايما حمد اللله أنا عجوزتي هايلة وحنينة متحبش على عرايس أجي ضد ولادها وبناتها علاجنا المهم تشوف ولادها مهنيين

العجوزة تستناي منها كل شي يا فضيلة قدما تبلعي قدما تجوزي الشيء اذا زاد عن حده انقلب الي ضده لعجوز كي تحطك في راسها دمرك نورمال وخصوصا اذا وليدها يتبعها حسبي الله ونعم الوكيل من اي عجوزة تتالب عروستها

انا تانيك عيشت امع اعجوزتي ولوايساتي لااله الا الله محمد رسول الله حسبيا الله ونعم الوكيل هادا ما انقول او راجلي كيفهم الخ ماايحسش كامل بيا الحمد لله عندي اولادي الحمد لله ياربي

لالا ختي فضيلة حتى أنا عجوزتي ولدت زوج خطرات مقتلي حتى كلمة مبروك

هذا شيخ شحال نبغيه الله يبارك يعرف يهدر

استاذة فضيلة من فضلك ماتزيديش تقاطعيهم في الكلاام عيب عليك

سلام عليكم اخوتي ادعولي ارزق بالذرية الصالحة عندي ١١سنة والله يعلم بحالتي فضلا وليس أمرا يارب كل من دعالي تقبل دعوته وتكتب اجر لكم يارب

يعطيك الصحه فضيله صدقوني كاين عجايز حنان وضراف ربي يبارك ولعروس تلقايها العكس تأذيها وتبغي تفرق وتشتت العائلة وربي يهدي ماخلق

كي يكون الحب و الرضا بين الزوج و الزوجة و لالا مولاتي ساكنتلهم في حياتهم وشمن حب و رضا يبقى يرحم باباك؟؟؟؟ يسمطولك الحياة الزوجية و يكرهولك حياتك لا حب لا رضا لا ..... ربي يهدينا برك

فضيلة نستعرف بيك كرجعتي الستيل تاع حجابك اللي والفناك بيه من الاول ...واليوم راكي منورة ما شاء الله عليك...الحجاب على قد ما كان فضفاض ومستور يزيد المرأة وقارا و جمالا سبحان الله...نحبك فضيلة أختي الكريمة وربي يوفقك في حياتك ومزيد من النجاحات ياااارب 😍😍😍😘😘😘

ربي يفرج على كل وحدة تعاني من عجوزتها الصبر برك خاصة كي تكون عندها أولاد ورا جلها يحبها كلش فايت

لاهرمونات لا اكتءاب هدي طاحت في راجل فايح واعجوزة عجوزة النار الله لاتربح كل واحد و وحدة ندمر حياة طفلة

والله غير فرحت كشفتك رجعتي خيمارك لول لي عرفتك بيه نحبك نموت عليك وتمنيت بنتي تبعك في حجابك شكرا لكي 💋💋💋💋💋👏

هدا وين رجعت فضيلة نتع صح المرة لفاتت مع هداك الحجاب كبرتي بعشرين سنة واليوم صغرتي بثلثين سنة ههعع مشاء الله

والله نفس حكايتي اربعة اشهر زواج عشت مرار مع عجوزتي كرهتلي حياتي هيا وبنتها حاوزتني مدار ورفعو عليا قضية طلاق و راجلي جا مع الأم تاعو وظلمني اشد ظلم واش نقولهم حسبي الله ونعم الوكيل ربي ياخذ حق فيهم

سلام.انا.عحوزتي.انموت.عليها.لكن.عندما.ولدت.بالقيصرية.وبقيت.اسبوع.في.المستشفى.ما.جاتنيش.لهي.ولا.بناتها.بدون.سبب.والحمدالله.ربي.ايخليلي.امي.وابي.وزوجي.عمرك.لتروح.امع.اهل.زوجكم.ما.فيهمش.الخير

ربي يحفظك ختي عجوز تبغي بنتها تعيش عند دار رجلها وكنه يملكوها في كلش دعولي بذريه صالحه عندي 13وربي مرزقنيش ياخوتي راني مقهور كون عندي ولد ولا بنت تنسيني في مشاكل تاعهم قاع عجوزتي وبنتها

ما شاء الله ياشيخ ياريت الكل فاهم ديننا مثلك، ربي يزقنا زوجا صالحا تقيا

الأخت فضيله كاين عجايز ما يحبوش ولاد ولادهم انا نحكي على روحي انا عجوزتي كانت تنوض وتصلي في الليل وتدعي وتقول يا ربي الله لا تفرحها بهاد الكرش وان شاء الله ما تشوفوش الور ما تكتروش الهدرة ما يحس بالجمرة غير اللي كواتو حسبيا الله ونعم الوكيل

اختي فظيلة ربى يخليك انا وليدى مريض وحالتنا المادية ماتسمحش باش نداويه وحتي ثمن الحفاضات ماقدرتش عليهم المهم ماعليهش ادا تقدرو تعاونوني بلا مانبان بالتلفزيون ادا ممكن ردي عليا

فضيلة قاتلك عزوجي متبغيش ولدي خلاص علاه تلعبيها شاطرة حنا نحنولهم ونوكلوهم ونشربوهم ونلبسوهم وندوشولهم ومعندناش زهر معاهم

ادعو لي ربي يرزقني بتوأم هاد العام في اقرب وقت لان العمر راه يجري وخايفة ينقص لي الامل بالانجاب

وين راه دكتور فرجاني كرهتيلو الحصة مسكين .

عشت تجربة مع عجوزة شريرة حسبي الله ونعم الوكيل

حتى انا صراتلي هاكة 6شهور زواج بداولي مشاكل 😥 يماه اختو دارو فيا والله والله شافو مني غير الخير اختو بنتها كنت انا مطهلايا فيها ربي عالم اخرتها دارو عليا كيشافوني مليحة حقروني يماه حطيتها فوق ربي عالم زوجت زواج تقليدي منعرفوش بصح حبيتو حبيت اهلو دخلت بنيتي اخرتها هبلوني باش نكره نخرج من دار باش توصل لطلاق كيما كان الحال طلقني 😥 كيما كانو اخطولو وصلولو خرجت من دار طلقني زوج درك عندو طفل وكلت فيهم ربي منسمحلهمش لا دنيا لا اخرا حرام عليكم دمرتوني وظلمتوني علاه منكر 6 شهور زواج واش شفت من زواج مزال هو سمح فيا نورمال بنات ناس لعب حسبي الله ونعم الوكيل ادعولي يناس ننسى تفرج عليا راني مشوكية مزال ادعولي تعبت😥

انا باباها نحي بنتي الاء الرحمان... عندها شهر مي زادت قصتي راهي تشف اكثر منك ...يافضيلة اتصالي بي نحكيكم مي. ادعولي بنتي ترجعلي

اللهم ما رزقني بذرية صالحة

غير الي عايشين مع عجايزهم يفهمو ويصدقو واش تقول فضيلة راها عايشة وحدها تسمع برك بلعجوز شغل فيلم ولا حكاية ماهيش مجربة لمعيشة مع لعجوز والقهر وتمرميد هافوقيلها ودرسي الموضوع من الجهة الثانية ماشي اللوم ديما فالكنة خلونا واقعيين واخطيك من تمهبيل

فضيلة عندهاةالدراري ولا لالا ياربةيرزق كل محروم كي قالت راني حابة دعاء خاص قلت بلاك على جال الدراري ربي يرزقنا من بابوةالواسع

الاستاد الاخصائي احسن و الحلقة صامطة بلا بيه

وين راه الأستاذ الأخصائي النفساني صامتة الحلقة بلا بيه

انا عندي ستة سنوات زواج مزالني كل صباح نسلم على عجوزتي ونقلها خير وهي لالة مولاتي الهدرة والىه العظيم متقولها غير بينها وبين ولادها كل حاجة مخبيتها المرة لي فاتت قلتلها اعطيني سلفيلي السرفيس نتاع القهوة جاوني ضياف واش قاتلي تكسريلهم يديهم قاتلي حباتك ديري دارك وتعيشي لاباس ومبعد رمضان تفوتو معاي كل يوم كلام وتفرض عليك حتي كيفاش تغسلي لماعن وصلاة التراويح لازم تروحي رجلك ورجلها كنت نبقي شوية فالجامع ومبعد نهبط مع امي وجدتي دارتلي عرس وزعما قالك داري وحدي وهذاكامل وليدها ميجيبش دراري ويلا قلتي نحب دراري تحطلك سعدك في يدك وتقولي وليدي راه راضي ونتي شوفي طريقك نكرها ونزيد نكرها كانت تسمعلي كلام قبل متعرف بلي المشكل تاع لولاد موليدها وتزيد تحكم في كل شيء احيانا نقول نطلق وخلاص

كلام الشيخ خير واقعي شوية فضيلة والله كاين عجايز فضيلة ربي يستر لازم تكوني فالنص انتي تقدمي البرنامج

لالا كاين يا الأخت كاين بزااف يا اختً فضيلة

الأخت فضيلة سمحيلي هي تقلك عجوزتي حاوزتني وانت تقوليلها ساهمتي باه تطلقي قوليلي شكون تحب تخرب بيتها ربي يعوض كل مطلقة والضحية هي الذراري ربي يجعل الخير

انا توحشت امي بزاف في غرب مطقتش منقدرش نرجع لخترش معنديش لوراق

ولله وشيفي عجوز ختي شحال صعيبه قدما نوصفلك ما نكمل ياو مشي عجوز جهنمة نميمة غتبة سحور كلشي فيها تبغي غي بنتها تحكم في راجلها وناس ديرهم تحت رجليها الله لا يبلي بنت بعجوز كيما عجوز ختي يصح انا وخوتاتي لخرين عنا امهات نشي عجايز الحمد الله

سلام عليكم ولله امنيتي ان اكون ام و الحمدلله راني صابرة بصح اناس تعايرك بحاجة مشي تاعك تع ربي سبحانه او ربي اذا أحب عبده ابتلاه و الحمدلله ادعولي ربي يرزقني او يرزق كل محروم ربي لا تذرني فردا وانت خير الوارثين امين يارب دعاء غريب مستجابة لا تنسوني ليا و لي كما انا آمين

للاسف المجتمع يبقى متخلف احنا روحنا وابناءنا ما راناش نحملوهم وانتوما مازال تسكنوا مع عجايز يتفننوا في قهر العروسة خاصة اذا لقاوها طيبة لازم السكنى قبل كل شيء للتخفيف من ارقام الطلاق وهذا شرط اساسي على كل الزواج في بلدنا مبني على اسس واهية وغير موضوعية يعني يهتموا بالحفل اكثر من الحياة فيما بعد

. والله مانحبها هدي فضيلة بصح حبيت نسقسيك ساكنة مع عجوزتك طيب القهوة لعجوزتك صبح كي تكوني خارجة تقولها راني خارجة الله يهديك عايشة كي راجل انتي الآمر ناهي وجاية تفتي علينا جربي حياة العجوز والكنة عن حق وبعدين احكي

يا ودي المرأة مين تولد العزوجة تكون محزمة ومرزمة كاين اللي تغير حتى من المولود يا لطيف تقولك غادي تجيبله بيبي يولي مخلوع فيها

لاحول ولاقوه الا بالله تستخف بنفسها وهدا دليل على عدم وجود ثقة بينك وبين الله ادعيلي وانت سيدة ماذا تفعلي اذا لم تجتهدي في دعاء الله يهديك ودليل على انطماص البصيرة بمعنى الكلمه تجتهدي في مضمون وتقصري في ماطلب منك الله

انا اخوكم ادعوا لن بالدريا انشاء الله

انا راني مطلقة وعندي زوج بنات ورماتني ماما وخلاتني كارية بيت وحدي وخايفة من كل شي و ماهامهاش عذابي ولا كيفاش لازم نجيب حليب و اكل لبناتي ربي وحدو عالم بحالي

Le mariage est une grande responsabilité,

كاين بزاااف الي ميحبوش الخير لاولادهم خصوصا اذا تزوج وجاب مرا للدار يكرهوه فيها....ويبداو يصراو المشاكل بين الزوجين....وما اكثرها هذه الحالات

لاحول ولاقوة الا بالله استغفرالله الله اكبر اللهم اسعد كل الناس

نقصي لهدرة فضيلة نتي جيتي تديرين الحوار مش تشاركي فيه خلي ناس تهدر واعرفي ويكتا تطرحي لأسئلة

الأخت فضيلة سمحيلي بصح نتي غيارة بزاف راهي باينة العجوز لفعة سمية و نتيا تحوسي تحصلي في الطفلة بسيف ربي يهديك و انشاء الله تزوجي و نشوفوك إلى تقولي نبغي عجوزتي بففففف

معادلة لن تلقو لها حل ....العجوزة تكره الكنة وهي كانت في يوم من الايام كنة و الكنة تشتكي من العجوزة و هي راح يجي يوم تكون عجوزة...اعتقد هي مسألة انتقام بيناتهم وكل وحدة تنتقم من الاخرى بسبب ما عاشته سابقا

يـا من ترجون شفاعته 🕠 صلى الله على النّبي محمد وآله 💚 صلوا عليه ﷺ💗ٕٕ

عندو لحق شيخ كين عجيز يغيرو بزف ويلحقو حت يطلقو عريسهوم كيما ان عجوزتي كرهتلي حياتي او حرشت رجلي عليا رني انسات او حوزوني

والله العجوز لوكان تعرف تمشي مع عيال بنها تخدمهاخير من بنتها بصح ميحمدوش ربي

إيه أن اعجورتي وبناتها من يوم العرس وأن نقاسي عشة الدامار 7سنين وأن نتعدب السحر دمرني ودايريني موسوس حتي أردو قتلي في يوم مشاوم كنت عندهم ضياف وأن رايح وقلبي مقبوض حطوالقهو وتم حسلت الكرث وصلت لموت درت 4عمليات شفت الموت حسبنا الله ونعم الوكيل

حسبيا الله نعم الوكيل في سفيان الذي طلقني بسباب يماه قصة المتصلة مثل قصتي حسبيا الله نعم الوكيل فيهوم

إمرأة صومالية مسلمة فقيرة ... تعيش في إنجلترا ... تتصل بمحطة راديو من أجل الحصول على مساعدة ... وصادف ان احد الملحدين (العلمانيين) يستمع إلى الراديو . يطلب رقمها ... عنوانها ... من تلك الإذاعة الراديوية ...! لكي يستهزء بها ... وبعد أن يأخذ ... رقمها ... وعنوانها... يعطي التعليمات لسكرتيرته الخاصة ... بأن تجهز مواد غذائية ... ومساعدات أخرى ... لهذه المرأة وتوصلها إلى ذاك العنوان ... ويقول للسكرتيرة ...! إذا سألتك المرأة عن مصدر هذه المساعدات فقولي لها إنها من الشيطان ... ولما وصلت السكرتيرة إلى منزل تلك المرأة فرحت المسكينة بهذه المساعدات ... السكرتيرة سألت المرأة ...! ألا تريدين أن تعرفي مصدر هذه المساعدات ومن أرسلها لك ...!!؟ ردت هذه المرأة الأمية التي إسمها (فاطمة) ... بجواب ... جعلت المفكر الدكتور الإنجليزي الملحد (العلماني ... تيموسي فينتر) يعتنق الإسلام ... ويغير إسمه إلى عبد الحكيم مراد ... فكان ذلك الجواب الرائع هو :- " لا أريد أن أعرف ... ولا أهتم بذلك ... لأن (الله) إذا أراد شيئا ... حتى الشياطين تطيعه " لاتنسوا دعمونا بالاشتراك في القناة للقران الكريم

فضيلة ك قلنالك خلي الشيخ و الاستاذ يهدرو حاوزتيهم قاع و بيهم تكمل الحصة و الي راهي تقول صغارت بثلاثين سنة هي في الاصل وجها خبزة تاع طاجين غير لفة الخمار مبدلة

نحب لاخت فضيلة بزاف بزاف بزاف انا وامي واخواتي اتمنى لها التوفيق من اعماق قلبي والنجاح الداءم والمستمر

شحال واعرة راكي مطلقة بثلاث في بلاصة وليدها هذي قلبها كان معمر عليك بايسمين الله يهديها

ليوم صح جيتي شابة يا اخت فضيلة ماشي كي السمانة الى فاتت بصح الحصة نتاع ليوم هيا الى غريبة هههه جيتي حكيتي شوية مع الشيخ ورحتي مافهمنا والو؟؟؟؟؟

والله يكذب عليك العجوزما تحبش الخير لعروستها كما لبنتها واحد 100 فقط انا فديبي تنهد عليا وفلخر خرجتهالي طيطاي بصح انا عايشة حياتي كل جمعة نخرج لبلاصة مانيش سامعة بيها

اخت فاضيلة الله يبارك ربي يحفظك لوكان جاوى نساء الجزائر كيما نتي

الحمد الله طلقت وطلاقي جانب بعد 17 سنه صبر صبرت حتي عيت زطله دارت فيه لي مايتنداراش الحمد الله راني مليحه وخدامه ورآني مع وليداتي ونعاود نقول يا امهات ماتزوجوش اولادكم اذا مايقدروش المسؤليه آوكون معوج ماتتزوجوه باش تقولوا يتسقم حسبي الله ونعم الوكيل

ههههه بارك الله فيك شيخنا

Quand ont voit ce genre d'émissions wallah ngoul jamais natzawej, malheureusement la majorité des femmes algériennes rahtelhoum elhachema. Hacha bnet el famila. Les femmes artificielles, trop de maquillage, hijeb moderne.... À cause des films turcs hablouhoum.

ربي يبارك فيك يا شيخ والله انت طيب ولكن ثاني هي لازم تسكانيه

C'est vrai Yasmine je te comprends moi aussi j'ai passé par là mais c'est pas grave ma chérie kayen rabi faut profiter changer la vie est belle Yasmine je te souhaite une bonne chance inchallah 😍👍🗼🗼🗼🗼🗼

يجب اعادة النظر في مقولة ابغض الحلال إلى الله الطلاق كيف يبغض الله الحلال ؟؟ من صاحب هذه المقولة هل من افادة لكن بدليل

هدا واش رانا حابين هداوين ولات فضيلة مختاري شكرا كي تقبلتي نصيحة نحبولك غير الخير

كي يشبع منها😲😲😲. ياحسراه عليك يا دزاير يا بلادي . داك الواد. انحطاط كبير وصلنالو

نتي يا فضيله عجوزتك راهي مخلياتك تهدري وتضحكي وتليفزيو و دنيا وعايشا حياتك غير برا ما تلعبيهاش كاين عجايز حمام ممنوع خرجه ماكله قانون تليفون مع امها حرام لبسا حرام تكوافي حرام يادرا تعيشي هكا فضيله نتي تحكمي في روحك تقدمي و تصرفي و تخدمي عندك سلطه على عجوزتك و راجلك ما تزيديش فيها بزاف