Рет қаралды 195,756
Etiraz edənlər Türkan qəsəbəsinin sakinləridir. Burada 104 hektar torpaq sahəsində söküntü işləri aparılır. Kimisinin yarımtikilisi, kimisinin hasarı, kimisinin də evi buldozerlərin altına verilib.
Türkanlılar deyir ki, 23 ilə yaxındır bələdiyyədən aldıqları sənədlə bu torpaqlarda yaşayıb, əkin-biçinlə məşğul olublar. İndi “Grand Agro” adında şirkət torpaqların onlara məxsus olduğunu deyir. Heç bir kompensasiya da vəd etmir.
Gələk şirkətə. “Grand-Agro” MMC 2017-ci ildə təsis edilib. Şirkətin rəsmi saytında hədəfi kimi Abşeron yarımadasında kənd təsərrüfatının inkişafına öz töhfəsini verməklə istehlakçıları keyfiyyətli ərzaq məhsulları ilə təmin etmək göstərilir. Şirkətin əməkdaşı Ramil Əzizov deyir ki, bu ərazi 2007-ci ildən onların adına rəsmiləşdirilib.
“Grand-Agro” MMC 104 hektarlıq ərazidə badam və zeytun ağaclarının əkiləcəyini deyir. Sakinləri isə öz əkin sahələrinin taleyi maraqlandırır.
Çarəsiz qalan türkanlılar son ümid yeri kimi ölkə başçısına və vitse-prezidentə üz tutular.
Özlərini torpaqların əsl sahibi kimi təqdim edən “Grand-Agro” MMC-nin internet səhifəsində deyilir ki, onlar digər bir şirkət “PMD Group”un Kənd Təsərrüfatı və İstehlak Məhsullarının İstehsalı Qrupuna daxildir. 2018-ci ildə dərc edilən jurnalist araşdırmalarına görə, “PMD Group” MMC “Paşa Holdinq” şirkətlər qrupuna daxildir.
“11 ildə “Paşa Holdinq”in nümayəndələri harada idi?”
“Grand-Agro” şirkətindən bildirilib ki, söküntünü Xəzər Rayonu ilə Abşeron Rayon İcra Hakimiyyətləri həyata keçirir. İş günü olmadığından icra orqanları ilə əlaqə yaratmaq mümkün olmayıb.
Kanala abunə ol - goo.gl/TcM9Fm
WebSite: www.meydan.tv
Facebook: MeydanTelevision
Twitter: / meydantv
Google+ plus.google.com/+MeydanTelevi...
İnstagram: / meydantv
__
Xəbərdən çox xəbər var. #çəkgöndər yayımlayaq #whatsapp : +49 176 16263646