Рет қаралды 1,504
Еуразияның ортасынан ойып тұрып орын алсақ та, елімізде туризм саласы тұралап тұр. Себеп жоқ емес, көп. Соның бірі әлі күнге дейін қоғамдық дәретхана мәселесін шеше алмауымыз. Тіпті мыңдап адам жиналатын мереке күндері келушілерге арналған биоәжетханалар қойылмайтын болыпты. Қарағандыға бара қалсаңыз қала орталығынан мүлде дәретхана таппайсыз. Ал тараздықтар әжетін өтеу үшін орталықтағы дәмхана, мейрамхана сияқты тамақтану орындарына сұранып кіруге мәжбүр. Шенділер дәретхана салғызғысы ақ келеді. Бірақ олардың есебіне ерік берсек бір дәретхананың құны бір пәтердікімен пара пар болып шыға келеді.
НҰРБОЛАТ ЖАҢАБЕКҰЛЫ, тілші:
- Таразда адам көп жиналатын саябақтарда болмаса орталық алаң мен көшелерде қоғамдық әжетханалар жоқ. Сондықтан халық жақын маңдағы дәмхана, мейрамхана сияқты тамақтану орындарына сұранып кіреді. Бұрындары «Достық» алаңында тек мейрам күндері биоәжетханалар қойылатын. Қазір барлық мерекелік іс-шаралар «Арбатқа» ауыстырылса да, көпшілік үшін жағдай жасалмаған. Есесіне саябақтарда әжет орындары да, қолдану құнын алып отыратын арнайы қызметкер де бар. Тек 50 теңге төлесеңіз болғаны.
ДИАНА САПАРҚЫЗЫ, тілші:
- Ал Қазақстан қалаларының ішінде халық саны жағынан бесінші орында тұрған Қарағандының орталығының өзінен қоғамдық әжетхана таппайсың. Жарты миллион тұрғыны бар алып қаланың жергілікті билігі үшін мұның аса қажеттілігі жоқ сияқты. Әлде шенеуніктер халық тек саябаққа ғана барады деп ойлайды ма екен, әйтеуір Орталық саябақта төрт бірдей әжетхана бар екен. Оның үшеуі жазғы мезгілге, ал біреуі қыста пайдаланылады. Жергілікті билік биыл тағы бес әжетхана салмақ. Бірақ олар да неге екенін білгісіз саябақта болады. Біреуінің құны шамамен жеті миллион теңгеге дейін жетеді екен.
ТАЛҒАТ СМАИЛОВ, Қарағанды қаласының мәдениет және демалыс саябақтары басқармасы басшының орынбасары:
- Енді біз бюджетті құрастырып жатырмыз, ана жерде 7 млн бар,10 бар. Оның бәрін құрастырып әкімшілікке заявка береміз. Сосын шешім болады. -Шамамен бір туалеттің бағасы қанша?
- Жеті млннан басталады, әртүрлері 20 млн-ға шейін барады.
ЖАНАТ МОЛДАШЕВА, тілші:
- Атырауда әрқайсысы 7, 5 жарым миллион теңге тұратын осындай қоғамдық дәретхананың бесеуі өткен жылы ғана орнатылды. Қызметі тегн. Тазалығына "Арнаулы автобаз" ЖШС-гі жауапты. Бір жыл да болмаған әжетханалардың жайы мәз емес. Қабырғалары тілінген, тұтқалары жұлынған. Жауапты мекемелердің айтуынша бұл халықтың салғырттығынан.
Ал Семейде құны тоғыз миллон теңге тұратын екі қоғамдық дәретхана бар. Бір пәтердің құнындай әжетханалар қаланың халқы көп жиналатын біреуі оң, біреуі сол жақ жағалауында орналасқан. Коммуналдық шаруашылық мамандарының айтуынша, тегін,таңғы сағат тоғыздан кешкі сағат алтыға дейін жұмыс істейді. Алайда тоғыз мииллионның дәретханасы кілттеулі тұр.
Жанат Молдашова, Диана Сапарқызы, Нұрболат Жаңабекұлы, Динара Ерболқызы
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Қазақстан2030 #дәретхана_тапшы