🔹 ახალი კოლეჯებისა და პრაქტიკული სწავლების სახელოსნოების მშენებლობის პროექტის ფარგლებში, კასპში, მარნეულში, ჩოხატაურში, ქედასა და შუახევში თანამედროვე სტანდარტების შესაბამისი პროფესიული საგანმანათლებლო დაწესებულებები გაიხსნა.
🔹 2022 წელს დასრულდა ახალი ლოკაციების განვითარება ხაშურის, წყალტუბოს, ლანჩხუთისა და ზუგდიდის მუნიციპალიტეტებში.
🔹 ამასთან, გრძელდება პროფესიული საგანმანათლებლო დაწესებულებების ინფრასტრუქტურული პროექტების განხორციელება თბილისში, ბორჯომში, ბათუმში, ახალქალაქში, ბოლნისსა და გურჯაანში.
🔹 ახალი კოლეჯების მშენებლობასთან ერთად, ასევე შენდება ახალი პრაქტიკული სწავლების სახელოსნოები. 2022 წელს სახელოსნოების მშენებლობა და აღჭურვა დასრულდა გურჯაანის, ლაგოდეხის, ახმეტის, ფოცხო-ეწერის, წალენჯიხის, ქობულეთის, ამბროლაურის, ფოთის, მცხეთის მუნიციპალიტეტებსა და თბილისში არსებულ კოლეჯებში.
🔹 სახელოსნოების სამშენებლო სამუშაოები გრძელდება ქობულეთის, ფოთის, წალენჯიხის, წინამძღვრიანთკარის და თელავის კოლეჯებში.
🔹 პროექტის ბიუჯეტი 215 000 000 ლარზე მეტია. პროექტი 2019 წელს დაიწყო და 2026 წელს დასრულდება.