Қостанайда өрттен зардап шеккен отбасыларға алғашқы көмек ретінде 200 мың теңгеден берілді.
Сонымен қатар, жұмыспен қамту бөлімі біржолғы төлем ретінде әр үйге 214 410 теңге жәрдем береді. Жергілікті билік 7 оқушыны тегін азықпен қамтып, киім-кешек алып береді. Екі студентке де заттай көмек көрсетіледі. Өртеніп кеткен дүние-мүлкі заң бойынша қайта рәсімделеді. Кеше Қостанай қаласының жағалауында қамыс өртеніп, 12 жеке үй толығымен жанып кеткен еді. Қатты желдің салдарынан қызыл жалын жақын маңдағы үйлер мен ғимараттарға жайылды. Өрт сөндірушілер тілсіз жаумен төрт сағаттай алысты. 13 отбасы зардап шекті. Үйсіз қалған бес адам уақытша қала маңындағы емдеу-сауықтыру орталығына орналастырылды. Қалғандары туыстары мен таныстарының үйін паналады. Барлығы 25 адам эвакуацияланды. Олардың бесеуі - балалар. Өрттің себептері мен келген шығын анықталып жатыр.
«Хабар 24» арнасына жазылыңыздар: bit.ly/31WnObW
Біздің сайт - 24.kz