Өлімнің хақ екенін көрсеңде,
Өлместей омыраулап жатасың.
Тозақтың барын біліп жүрсеңде
Күнəға əлің келсе батасың.
Сауап көп ғибадатта десеңде,
Жалығып жалқауланып жатасың.
Алланың адал ризқын жесеңде
Арамды əдейі іздеп татасың.
Сыртыңнан сыланасың өң беріп,
Ішіңнің түзетпейсің қатасын.
Айла мен алдағанды жөн көріп
Адамды аң орнына атасың.
Жалғанның бір пайдасын көргенде
Арланбай арыңды да сатасың.
Алланың ақ өлімі келгенде,
Амалсыз қара тастай қатасың.
Шәкәрім ҚҰДАЙБЕРДІҰЛЫ