Президент Швейцария сапары аясында Қазақстанның Халықаралық қызыл крест комитетімен ынтымақтастығын нығайту жолдарын талқылады, деп хабарлайды «Хабар 24».
Әрі қазақстандық әскерилердің бітімгерлік миссияларына қатысу географиясын кеңейту жоспары туралы айтты. Қасым-Жомарт Тоқаев халықаралық ұйым президенті Петер Маурерге атқарып жүрген қызметін толық қолдайтынын айтып, репатриация және реинтеграция, отбасылардың қауышу және қақтығыс аймақтарынан оралған азаматтарға психологиялық көмек көрсету мәселелері бойынша өзара табысты ықпалдастықты атап өтті. «Соның айқын көрінісі Қазақстанның Қорғаныс министрлігімен бітімгерлік операциялар жүргізу кезінде байқалды», - деді Президент.
«Хабар 24» арнасына жазылыңыздар: bit.ly/31WnObW
Біздің сайт - 24.kz