БІЗДІҢ KZfaq АРНАҒА ТІРКЕЛІҢІЗ: www.youtube.com/@informburo31...
---------------------------------------------
Астанада азаматтық некедегі әйеліне жылдар бойы қорлық көрсетіп, өмірін қиды деп айыпталған Қуандық Бишімбаевқа қатысты істің соталды тыңдалымы жалғасып жатыр. Сот отырысы бүгін де тыныш өткен жоқ. Себебі, бұл жолы да журналистер сот залына кіргізілмеді. Айыпталушының анасы болса, істің ақ-қарасын судья анықтайды деді. Әрі Бишімбаевтың адвокаттары да сотқа ұсынылған материалдарды қайта тергеуге жіберу қажет деп санайды. Пікірлерінше, тергеу деректерінде шикілік көп. Ал, жәбірленуші тарап не дейді? Әріптесім Нұрболат Жаңабекұлы айтып береді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Толығырақ: • Информбюро 12.03.2024 ...
Бүгінгі шығарылымда:
Нұрболат Жаңабекұлы айтып береді.
Марқұм Салтанат Нүкенованың туыстары Қуандық Бишімбаев жақындарын асқан қатыгездікпен ажал құштырды деп отыр. Сондықтан судьядан айыпталушының адвокаттары айтқан өтініштерді қанағаттандырмауды сұрады. Демек, "кісі өлтіру" дерегін "абайсызда қазаға ұшырату" бабына өзгертуге үзілді-кесілді қарсы. Себебі, сотқа ұсынылған сараптамаға сәйкес жәбірленуші қайғылы оқиға болған күні алған ауыр жарақаттарынан көз жұмғаны нақтыланған. Яғни, басына тиген он шақты соққы салдарынан көз жұмып отыр.
ИГОРЬ ВРАНЧЕВ, Жәбірленушінің өкілі:
- Бейнебақылау камераларынан алынған жазбаларда Бишімбаевтың әйелін аяусыз соққыға жыққаны анық көрініп тұр. Ал, оның адвокаттары дәл осы айғақтарды заңсыз алынды дейді. Сол үшін істен алып тастауды сұрайды. Бірақ, естеріңізге салайын, жазбаны қылмысын жасыру үшін Бишімбаев өшірткен.
Бишімбаев пен адвокаттары сол қалпы тағылған айыппен келіспей отыр. Сондықтан, істі қайта тергеуге жіберуді сұрады. Сондай-ақ, сот материалдарынан әлгінде ғана айтылған видеодеректерді алып тастауды ұсынады. Пікірлерінше, бейне айғақтар өзгертілген болуы әбден мүмкін. Әрі, бейнебақылау камераларынан алынған ақпаратты айғақ ретінде тіркемеу қажет дейді. Өйткені, дәйекті құзырлы орган емес, жеке тұлға берген. Бұдан бөлек, айыптау актісі мен куәгерлердің сөзінде де алшақтық бар екен.
АЙЫПТАЛУШЫНЫҢ адвокаты:
- 12-ші бөлімнің маманына зерттеу жүргізіп, жойылған жазбалар мен мәліметтерді қалпына келтіруді міндеттеуіңізді сұраймыз. Сондай-ақ, қылмыстық істің бесінші томынан дәлел ретінде ұсынылған екі фотосуретті алып тастауды өтінеміз. Себебі, олардың қашан түсірілгені белгісіз. Әрі, кім түсіргені де беймәлім.
Сонымен қатар, олар Бишімбаев емес, қайта керісінше Нүкенова қызғанышқа бой алдырған деп санайды. Сол үшін марқұмның телефондарын тексеруге беріп, өшірілген мәліметтерді қайта қалпына келтіру керек деп отыр. Айта кетейік, судья Қуандық Бишімбаевтың адвокаттары тарапынан айтылған өтініштерді ішінара қанағаттандырды. Ал, негізгі сот отырысы 27 наурызға белгіленді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық