Рет қаралды 15,211
әлеуметтік қорғау министрлігі жәрдемақының осы түрін алатын отбасыларға қосымша берілетін кепілдендірілген әлеуметтік топтаманы бұдан былай азық-түлік ретінде емес, ақшалай беру туралы ұсыныс жасады. Яғни бұл ақша 1 жас пен 6 жас аралығындағы балалардың жәрдемақысына қосылады. Атаулы әлеуметтік көмекке қанша теңге қосылуы мүмкін? Өзгеріс қашаннан басталады? Әріптесім Абай Нұржанұлы айтып берсін.
Қызылорда қаласының тұрғыны Мейрамгүл Сұлтанованың 7 баласы бар. Жалғызбасты ана атаулы әлеуметтік көмек ретінде айына небәрі 9 мың теңге көлемінде ғана аламын дейді. Ол министрік ұсынған өзгертулерді қолдайды. Айтуынша, 1 мен 6 жас аралығындағы балаларға қосымша жәрдем ретінде мемлекеттен берілетін азық-түліктің сапасы өте нашар. Ішіп-жемге келмейтін азық бергенше, соның ақшасын үлестірсе керегімізді өзіміз-ақ алар едік дейді келіншек.
МЕЙРАМГҮЛ СҰЛТАНОВА, Көпбалалы ана:
- Осы уақытқа дейін мен АСП-ның продуктысын алғанмын. Бірақ ішінде жарамсыз бәрі. Оны жасыра алмаймын.1 мен 6 жас аралығы деп отыр. Қалған балаларды не істейміз? Оларға не береміз?
Сондай-ақ, Мейрамгүл Сұлтанова балалардың жасына қарай бөліп жармай, ақша барлығының жәрдемақысына бірдей қосылса дейді. Өйткені қазіргідей қымбатшылықта атаулы әлеуметтік көмектің өзі ештеңеге жетпейді. Ал жауапты министрліктегілер кепілдендірілген әлеуметтік топтаманы азық-түлік ретінде емес, ақшалай үлестіру ұсынысы тұрғындардың шағымына байланысты туындағанын айтады. Ұсынылған жаңа жоба бойынша енді 1 жас пен мектепке дейінгі балалардың жәрдемақысына ай сайын 1,5 айлық есептік көрсеткіш көлемінде ақша қосылады. Бұл дегеніміз 4 жарым мың теңгедей болады.
АЙГҮЛ ӘПЕНОВА, ҚР Еңбек және халықты әлеуметтік қорғау министрлігіне қарасты департаменттің бас сарапшысы:
- Жиынтықтарды қамтамасыз еткен кезде отбасындағы аналардан бірнеше рет өтініштер түсті. Яғни қолма-қол ақшалай төлеу қажеттілігі туралы. Осыған орай осы түскен өтініштерді назарға алдық.
Қазір ұсынылған өзгерістер мен толықтырулар депутаттардың талқысына салынып жатыр. Егер мақұлданса, 2023 жылдан бастап жәрдемақыға қосымша ақша қосылады. Ол үшін тағы атаулы әлеуметтік көмек алатын отбасылардың табыс көлемі есептелетін болады дейді министрліктің өкілі.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал