БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Петропавл халқы тасқын басталғалы тіршілік нәрінен тарығып отыр. Өйткені уақытша қосылған көлдің суын ішу мүмкін емес дейді тұрғындар. Сондықтан жұрт таза ауыз су іздеп, тегін суға сағаттап кезекке тұрады. Ал эвакуациялық орталықтарда бала-шағамен жату өте ыңғайсыз деген отбасылар пәтер жалдап тұруға мәжбүр. Осы сәтті пайдаланған жалдамалы баспананың иелері бағаны да қымбаттатып жіберген. Қаладағы қазіргі ахуалды әріптесім Руслан Жасұланұлы айтып береді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Тасқын басталғалы қала жұрты бір тамшы таза ауыз су таппай жүр. Еліміздің өзге өңірлерінен гуманитарлық көмек ретінде жеткізіліп, тегін таратылып жатқан тіршілік нәріне де талас. Көбі сағаттап кезекке тұрып, бос кетеміз деп қынжылады. Ал, дүкен сөрелерінен су табу тіптен қиын.
ЗОЯ МИХАИЛЕНКО, Петропавл қаласының тұрғыны:
- Қартайған жаста таза судан тарығамыз деп ойлаған жоқ едім. Су үшін ұзын-сонар кезек. Ал көп дүкенде сатылымда жоқ. Сағаттап күтіп, су ала алмай кететін жағдайлар да бар. Мамандар көлден тартқан суды ішу мүмкін емес.
Апта басынан бері қаланың мектептері түгел онлайн оқуға көшіп, білім ошақтары эвакуациялық орталықтарға айналған. Баспаналарын су басқаннан кейін баратын жері жоқ халық спорт залдарда түнеп жүр. Бірақ мектепте бала-шағамен жату өте ыңғайсыз дейді халық. Сондықтан кейбірі соңғы ақшасын беріп, пәтер жалдауға мәжбүр болған екен. Ал оның бағасы екі есеге дейін қымбаттап кеткен.
ВЛАД ВАЩЕНКО, Петропавл қаласының тұрғыны:
- Бір бөлмелі пәтерлер 70 мың тұратын. Енді біз оны 130 мың теңгеге жалдап тұруымызға тура келеді. Сұраныс көп болған соң қымбаттатып жіберді. Бәрі ақша тауып қалғысы келеді. Ел қиналғанда олай істеуге болмайды ғой. Бағаны қадағалайтын тірі жан жоқ.
Бірақ төтеншеліктер краннан ағатын суды қайнатып ішу қауіпсіз дейді. Ал құқық қорғау органдары төтенше жағдай режимін пайдаланып бағаны өсіріп жіберген кәсіпкерлер жауапқа тартылатынын ескертті.
СӘКЕН АҒЗАМОВ, СҚО төтенше жағдайлар департаментінің басқарма басшысы:
- Үйдегі судың сапасы мүлдем нашар деуге келмейді. Ал, бағаның өсуі бойынша құқық қорғау органдары жұмыс істейді. Қандай да бір заң бұзушылық анықталса жауапкершілікке тартылуы мүмкін.
Солтүстікте су басқан үйлердің саны үш мыңға жуықтады. Қауіпті аумақтардан он мыңнан астам адам қауіпсіз орындарға көшірілген. Петропавл қаласы мен 6 ауданда төтенше жағдай режимі жарияланған болатын. Қазір мамандар тасқынның екінші толқынына тосқауыл болу жұмыстарына кірісті.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық