Қамшының сабындай қысқа болған өміріңізді не нәрсеге арнап жатырсыз, қарындасым? Биді кемеліңе жеткізуге тырысып репетиция жасап, "дұрыс" киім таңдап қанша сағатыңыз штативке бекітілген телефон алдында өтіп жатыр? Мүмкін 1 айдай болған болар, мүмкін 1 жылдай өткен шығар... Түпкі мақсатыңыз қандай? Танымалдылыққа қол жеткізіп бай болу ма? Иә, расында басты мақсатыңыз танымалдылық арқылы баю болар.
Танымал болу, бай болуға қатысты ешқандай мәселе жоқ. Болмаңыз демейміз, болыңыз! Бірақ оған апарар жолыңыз дұрыс па? Тәнді жалаңаштап, бар өнеріңізді салып елдің назарына түсуге тырысып жүрген болсаңыз, бұлай танымалдылыққа ұмтылмауға шақырамыз.
Асыл дінімізде көпшіліктің алдында жалаңаштанып жүру күнә! Әрбір қараған адам күнә жинайды әрі олардың күнәлары сізге барады. Есеп беретін Ұлы күні халіңіздің мүшкіл болмауы үшін, істеп жүрген қате амалыңызды доғарыңыз.
Тәубе етіңіз. Алла тәубе етушілерді жақсы көреді. Қияметтің күні жүзіңіз бақыттан нұр шашатын жарқын жүзділерден етсін сізді, қарындасым ❤️