Бұл Түркістан облысы Сарапхана ауылындағы мейрамханалардың бірінде түсірілген видео. Тойға келген қонақтар іште жайбарақат отырған. Кенет қатты жауған жаңбыр суы есікті жарып, ішке лап еткен. Әбден әуреге түскен меймандар, тіпті тамақ ішетін үстелдердің үстіне шығуға мәжбүр болған. Жалпы өткен түні толассыз жауған жауыннан Қазығұрт пен Сарыағаш аудандарының бірнеше ауылы су астында қалды. Айналдырған жарты сағат ішінде тұрғын үйлер мен қора-қопсылар суға толып, қозғалыс қиындаған. Қайта адам шығыны жоқ, бірақ қырылған малда есеп жоқ.
Таңнан Нұрғали Қоңыратбаевтың үйіне көмекке келген көршілер қырылған малды қорадан тазалап әлек. Ол үшін тіпті трактор да шақыртыпты. Ұсақ мал қора-қопсыны басып қалған жауын суына тұншығып өлді дейді тұрғындар.
Үй иесінің өзі түнімен төрт түлігі үшін арпалысып шыққанын айтады. Деңгейі адам кеудесіне дейін жеткен жаңбыр суы бірден лап бергенде абдырап қалдым дейді. Қорасындағы 400 қойдың біразын айдап үлгергенімен, санаулы сәтте 213 бас ұсақ малы қырылып қалған. 25 адамның қойын бағам деген шаруа шығынға шаш етектен баттым деп қынжылып отыр.
НҰРҒАЛИ ҚОҢЫРАТБАЕВ, Тұрғын:
- Көбісі қозылы қой. Шамамен 50 мыңнан деп, жаңа заңды түрде қаралсын деп, арыз жазып қойдым. Оны жаңа тергеушілер есептеп, 10 миллион 650 мың деп айтып кетті.
Сарапхадан бөлек, көрші ауылдарға да нөсер жауын айтарлықтай зиян келтірген. 18 үй, 1 мейрамхана мен 16 ғимаратқа су кірген. Қараңғыда қауіпсіз жерге көшірілген 50 адам қазір үйіне қайтарылған. Тұрғындардың айтуынша, бірден лап берген жаңбыр суының деңгейі әр жерде әр түрлі.
ЕРКЕБЕК ҮРКІМБАЕВ, Тұрғын:
- Кір жуатын машиналар мына жақта да бар еді. Барлығы суға кетіп, ұн, шай, май барлығы осы жақта тұрушы еді. Барлық нәрсе кетті, бәрі жарамайды анау.
МАҚСАТ ЖАҚСЫБАЙҰЛЫ, Тілші:
- Жіңішке ауылындағы 15 үйдің ауласына су кірген. Биіктігі 40-50 сантиметр шамасында. Ауланың барлығы лай, батпақ. Резеңке етіксіз жүру мүмкін емес.
Қазір тұрғындар ауласына жиналған лайды шама-шарқынша тазалап әлек. Бәрін бірден шығарып тастау мүмкін емес. Көп жерге техниканың күші керек деген жұрт әзірге әкімдік тарапынан ешқандай көмек көрсетілмеді дейді. Ал әкімдік өкілдері бүгіннен бастап шығынды есептеуге кіріскендерін айтады.
ӘБДІҚАСЫМ ТҰРҒАРА, Қазығұрт ауданы Сарапхана ауылдық округінің әкімі:
- Құрылыс бөлімі, әкімшілік бар, жаңағы ветеринарный саланың азаматтары бар. Бәрі қазір комиссия құрылып, есептеліну үстінде.
Облыс басшылығы қырылған мал бойынша тиісті шешім қабылдауды ауыл шаруашылық басқармасына жүктепті. Өзге шығындарды да обьективті түрді есептеуді тапсырған. Ал оның барлық өтемі аудан қазынасынан қаралады дейді жауаптылар.
Мақсат Жақсыбайұлы, Алексей Мавнуков
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#СуТасқыны #Қазығұрт #ТабиғиАпаттар