Президент Қасым-Жомарт Тоқаевтың арнайы шақыртуымен Қытай Халық республикасының Төрағасы Си Цзиньпин Қазақстанға келді. Бұл көрші ел басшысының пандемия басталғалы соңғы екі жарым жыл ішіндегі алғашқы сапары болып отыр. Кездесу барысында мемлекет көшбасшылары қазақ-қытай стратегиялық серіктестігін жан-жақты нығайту перспективаларын талқылады. Қасым-Жомарт Кемелұлы екі ел арасындағы дипломатиялық қарым-қатынасқа отыз жыл толғанына тоқталып, енді жаңа «алтын отыз жылдыққа» қадам басқанымызды атап айтты. Кездесу барысында тағы қандай тақырыптар қозғалды? Әріптесім Нұрболат Жаңабекұлы баяндап беруге дайын тұр.
НҰРБОЛАТ ЖАҢАБЕКҰЛЫ, тілші:
- Қытай Халық республикасының Төрағасы отырған әуе борты түс ауа сағат екі жарымдар шамасында Елорда әуежайына қонды. Си Цзиньпин мырзаны президент Қасым-Жомарт Тоқаевтың өзі қарсы алып отыр. Міне, осының өзі-ақ көрші ел көшбасшысының Қазақстанға іссапармен келуінің қандай маңызға ие екенін аңғартқан секілді. Артынша құрметті қонақ Ақордаға бет алды. Резиденцияда салтанатты қарсы алу шарасы өткізіліп, екі елдің әнұраны орындалды. Кейін мемлекет басшылары кеңейтілген құрамда келіссөз жүргізуге кірісті.
ҚАСЫМ-ЖОМАРТ ТОҚАЕВ, Қазақстан Республикасының Президенті:
- Любой кризис порождает не только проблемы но и новые возможности. Поэтому мы стремимся наполнить наше сотрудничество новым содержанием. А сейчас, господин председатель, еще раз благодарю вас за ваш визит, вы наш гость. Вы хороший друг Казахстана.
Өз кезегінде Қытай Халық республикасының Төрағасы да мемлекеттік сапармен келуге шақырғаны үшін Президентке ризашылығын білдіріп, Қазақстанға қайта келгеніне қуанышты екенін жеткізді. Сондай-ақ, Си Цзиньпин мырза Президенттің тұрақтылық пен дамуды қамтамасыз ету үшін жүргізіп жатқан реформаларын толық қолдайтынын айтты.
СИ ЦЗИНЬПИН, ҚХР Төрағасы:
- Твёрдо поддерживать проводимые вами реформы по обеспечению стабильности и развития, категорически выступать против вмешательства каких-либо сил во внутренние дела вашей страны. Китай был и остаётся доверительным другом и надёжным партнёром Казахстана.
Тараптар кездесу барысында қандай тақырыптарды талқылапты? Сарапшылар пікірі қандай?
Әзірге нақты қандай келісім жасалғаны белгісіз. Бірақ Ақорда таратқан ақпаратта көлік-логистика, азық-түлік өнеркәсібі, ауыл шаруашылық салаларының мәселелері және трансшекаралық өзендер жайы талқыланғаны айтылды. Саясаткерлер де көрші ел басшысының сапары екі мемлекет үшін де маңызды деді. Оның бір себебі әлемдегі геосаяси ахуал, яғни аймақтағы тұрақсыздық. Айтуларынша, әзірге қақтығыстар бәсеңдейді деген кепіл жоқ. Сондықтан, Өзбекстандағы Шанхай Ынтымақтастық Ұйымының саммитінде де осы қауіпсіздік мәселесі талқыланады деп топшылайды. Әрі осы күзде Қазақстан да, Қытай да мемлекет басшыларын таңдайды. Сол үшін дәл қазір өткен отыз жылды қорытындылап, бағыт-бағдарды айқындау қажет. Мәселен, сауда айналымын арттыруға күш салып, өндіріс көлемін ұлғайту және ел экономикасына ұдайы теріс әсерін тигізіп келе жатқан логистикалық проблемаларды шешу өзекті деп отыр.
ОЛЖАС БЕЙСЕНБАЕВ, саясаткер:
- Біз де Қытайдың территориясын өз тауарларымызды мынау оңтүстік шығыс Азия елдеріне, Шығыс Азия елдеріне жеткізуге пайдалануымыз керек деп ойлаймын. Яғни, бұл жерде келісімдерде, әрине Қазақстан өзінің мүддесін ең бірінші орынға қояды ғой. Сондықтан сауда-экономикада, тасымалда, транзиттік қуатын арттыруда Қазақстанның мүмкіндігі әлі де ашыла түсу керек деп есептеймін.
Ресми келіссөздерден кейін мемлекет басшылары «Қазақстан-Қытай: мыңжылдық диалог» атты көрмені тамашалады. Сондай-ақ, Қазақстан мен Қытай басшыларына қазақ-қытай халықтарының материалдық және рухани мәдениетінің даму сабақтастығын көрсететін бес бөлімнен тұратын көрменің құрылымы таныстырылды.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31