Рет қаралды 444,657
Бәріңізге Ассалаумалейкум!
Экслюзивті жаңалық!
Атағы алты атанға жүк болатын, тірескеннің тізесін дірілдететін, азуын айға білеген Ақш Қазақ еліне серіктес болуға ұсыныс тастады.
Талғамы биік, өзгелерге асқар таудай көрінетін Ақш неге бізге ұсыныс тастады екен?
Құдалар төс қағысып көрісетіндей, етене жақын қарым-қатынасқа не үшін мүдделі?
Осы видеода сіздерге, толық түсіндіретін боламыз, экран алдына жайғасыңыздар! Достар Дәл қазір төменге түсіп подписаться деген қызыл тетікті басып және қасында шыққан қоңыраушаны баса салыңыз. Шабыт бізден, Қолдау сізден!
Әуелі бұл мәселенің бастауы Ақш елінде бой көтерді. Атақты, The Wall Street басылымы Байденге серіктес боларлық мемлекет ретінде Қазақстанды ұсынды.
Тиімділік деген нәрсе бар. Дегенмен бұл келісім Ақштың оң жамбасына келіп тұр екен. Сіздерге бірнеше маңызды факторды атап өтейін, содан соң Ақштың Еуразияның жүрегі, Түркі елдерінің тірегі Қазақстанға деген қызығушылығын түсінетін боласыздар!
Біріншіден, Қазақстан және Орта Азия әлемде Ақштың салыстырмалы түрде ықпалы аз, әмірі жүре бермейтін регионы. Яғни, осы арқылы олар Орта Азияны ашса алақанында, жұмса жұдырығында ұстап, оқиғаларды тұрақты түрде жіті түрде назарына алады.
Америка Құрама Штаттарының тактикалық қызығушылығы, сыртқы саясатта ұстанатын принцибі "мен саған, сен маған екенін" ұмытпаған жөн.
Екіншіден, Қазақстан Орта Азиядағы потенциалы жоғары, жер көлемі кең, жас мемлекет. Әрі президентіміз, Қасым-Жомарт Кемелұлы Тоқаев, ал ол кісі БҰҰ-да бас хатшы жұмыс боп істеп, әжептеуір абыройға ие болғанын ескеретін болсақ, Тоқаев және Қазақстан Американың жаңа стратегиялық әріптесі бола алады.
Қазақстан Америкаға демократиялық реформаларын жүзеге асыруға үлкен септігін тигізуі бек мүмкін. Әрі дәл қазіргі сәтте Қазақ елі Пекин мен Мәскеуге өз қарсылықтарын ашық , еңсесі тік ел ретінде айтуда. Қазақтар халықаралық дипломатияның озық үлгісін, ерегіскенді татуластырып, төбелескенді туыс етуі арқылы әлем алдында дәлелдеген болатын. Айта кетейік, Сирияға, Ауғанстан мен Иранға байланысты келіссөздер, тағысын тағы. Қазақстанды Ақш Иранның ядролық амбициясына қарсы, және Түркияның үстемдігін тежеу үшін қолданары анық. Яғни, эксперттердің ойы бойынша Орталық Азия, оның ішінде Қазақстан Ақш үшін әлемдік көшбасшылық позициясын сақтап қалуға көмектесетін теңдессіз кілт. Америка үшін қай тұстан қарасақта Қазақстан геосаяси жағынан, әріптестік жағынан, таптырмас мемлекет. Әрі, сауда соғысындағы басты бәсекелесі Қытайға аямай экономикалық соққы беріп, есеңгіреткісі келеді. Сонымен қатар, Ақш Қытайдағы этникалық қазақтар мен ұйғырларға жасалып жатқан істі геноцид деп бағалап, Қытай елін табалап, сол себептіде саяси алаңда оларды жазалауға көшті. Бұл жағдайда, Қазақстан мүдделі болуына бірден бір маңызды фактор.
Бір қызығы Ақш Орта Азия елдерімен С5+1 форматын қолдану арқылы байланысады екен. Ол 5-елдің құрамына: Қазақстан, Түрікменстан, Қырғыстан, Тәжікстан, Өзбекстан елдері кіреді. Алайда бұл формат әйгілі Барак Обама кезінде тұсауы кесілген болатын. Енді мұхиттың арғы жағындағы алып мемлекеттің мәлімдеуінше 2025-жылға дейін Орта Азия оның ішіндегі Қазақстанға, авторитаризммен күресуге, яғни елді азып-тоздыратын диктатураны жоюға,
және адам құқықтарының жағдайын жақсартуға көмектескісі келетінін жеткізді.
Қазіргі таңда екі тарап арасында 70-ден астам құқықтық, мәдени-гуманитарлы, социалды, қауіпсіздік жөнінде, экономикалық бағыттар бойынша құжаттар бар.
Осы бір сәтте Қазақстанға Ақшпен серіктес болудың тиімді тұстарын атап өтейік.
Ең әуелі Байден басқарған ел, Қазақстанға тәуелсіздік жылдардан бері 53-млрдтан астам инвестиция құйған. Яғни, экономикалық әріптес ретінде маңызы өте зор. Яғни негізгі инвестиция мұнай, газ саласына бағытталған. Мәселен "Тенгизшевройл" 75%-акциясын алып, шикізат ретіндегі мұнайдың өндірісінің артуына өз септігін тигізуде. Нақтырақ, 25-жылда 3-млрдтан астам баррель өндірілген.
Ақштың Сауда палатасы 2018-жылы ортақ келісімге келіп, бас-аяғы 27-құжатты 6,87 млрдқа, және оған қоса 6-инвестициялық келісімге орай 685,5 млн теңге жұмсалды.
Ғылыми белсенділігі жөнінен әлем бойынша 2-орынды иеленетін ғылыми-техникалық саланың жілігін шағып майын ішкен елден, прогрессивті үлгіні қалыптастыратын тәжірибені меңгере алуда, үлкен жетістік. Сонымен қатар, Ресей мен Қытай ықпалынан құтылып, демократиялық принципке құрылған реформаларды қабылдауға өз септігін тигізеді. Дегенмен кез-келген нәрсе ниетке байланысты екенін ескерсек Ақштың әрекеті бірнеше нұсқада көрініс табуы мүмкін, алайда бір күдікті ой әлі де болса кетер емес. Яғни, Қазақстан Ақшпен серіктес боламын деп керісінше оның ықпалына түсіп, айдауына көнетін, жүр десе жүретін, саяси қуыршағына айналып кетпейді ме?
Ақш ежелден әлемдік қақтығыстарды ұйымдастырушы, және бақылаушы ретінде қалыптасқан. Қазақстандыда Түркі елдеріне айдап салып, өзгелерге бейбітшілікті насихаттап жүрген қазақ елі, әп-сәтте агрессиялы елге айналып кетпесіне кім кепіл? Толығырақ Видеода...