Қызылорда облысында «Ауыл - ел бесігі» бағдарламасы аясында 5 спорт кешенінің құрылысы жүріп жатыр. Халықтың әсіресе жастар үшін қолжетімді болуы тиіс нысандар биыл пайдалануға берілуі керек. Ағымдағы жылы сондай-ақ мемлекеттік қаржыландырудың жан басына шаққандағы тапсырыс үлесі көбеймек. Бұл балаларды бұқаралық спортқа баулуға септігін тигізбек.
Балалар мен жасөспірімдерді дене тәрбиесімен шұғылдануға барынша көптеп тарту үшін өткен жылы 212 миллион теңге бөлініп, 2 жарым мыңдай өрен үйірмелерге жазылған. Биыл спортты жанына серік еткен жеткіншектерді 5 мыңға жеткізу межесі тұр. Бұған 638 миллион теңге қаралды. Спорттық секциялар желісін кеңейту мақсатында жабдықталған жабық кешендер әсіресе шалғай ауылдарда салынып жатыр.
«Хабар 24» арнасына жазылыңыздар: bit.ly/31WnObW
Біздің сайт - 24.kz