Рет қаралды 46,180
БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Бұл Алматының элиталы тұрғын үй кешенінде болған сұмдық жағдайдың көрінісі. Бүгін түнгі сағат екі жарымдардың шамасында осында тұратын ер адам күзетшіні алдымен бірнеше рет көлікпен жаншып, кейін басына секіріп, тепкілеп тастаған. Ауыр соққылардан кейін бірнеше жылдан бері осында күзетші болып жұмыс істеген Нұрбол Қайыпбай сол жерде қайтыс болған. Түнімен көз ілмей шыққан тұрғын үй кешенінің халқы да бұзақылықтың соңы адам өлімімен аяқталды деп күйінеді. Өйткені, есірткіге тәуелді азаматқа бұған дейін ешкімнің шамасы келмеген еді дейді. Қайғылы жағдайдың қалай болғанын әріптесім Бауыржан Жақсымбет айтып берсін.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
"Меркур Таун" тұрғын үй кешенінің адамдары түндегі сұмдық жағдайдан кейін естерін жия қоймаған. Осында бірнеше жылдан бері күзетші болып жұмыс істеген Нұрбол Қайыпбай, көлігімен сыртқа шықпақ болған жүргізушінің алдын бөгепті. Алайда, қандай жағдай болғаны белгісіз ер адам қақпаны жаппақ болған жігітті бірнеше мәрте көлігімен қағып, кейін үстіне секіріп, тоқпақтай жөнелген. Шырт ұйқыдан оянған жұрт бірден тәртіп сақшылары мен жедел жәрдем қызметін шақырыпты. Бірақ, ауыр соққыдан кейін Нұрбол қаза тапқан.
ӘЛИЯ ДОСМАИЛОВА, ПӘТЕР ИЕЛЕРІ КООПЕРАТИВІНІҢ БАСШЫСЫ:
- Нұрбол оны тоқтатпақ болды. Енді мас адам сіздер ойлаңыздар жолға шықса ол қанша адамды өлтіреді ол. Келіп қақты. 3 рет қақты. Оның алдында пиваның бутылкасын алып охрананың буткасын шақты. Одан кейін барды да машинадан түсті де жігіттің үстіне шығып секірді жаңағы наркоман. Әкесінің лично өзіне айттым, жаздым. Аға бірдеме істеңізші мынаған болмайды. Біреуді өлтіреді ғой мынау.
БАУЫРЖАН ЖАҚСЫМБЕТ, тілші:
- Түн жарымда тұрғындардың тыныштығын бұзылған күдікті бұған дейін де талай мәрте көршілеріне қысым көрсеткен екен. Көпшілік еңгезердей азаматқа тиісті шара қабылдау қажеттігін айтсақ та, тәртіп сақшылары қамсыз жүрді деп наразы. Құқық қорғау органдарынан басу болмағандықтан, ойына келгенін істеген жігіт ақыры жазсықсыз күзетшіні аяусыз өлтірді деп отыр.
АНАР ТЕМІРҚҰЛОВА, Алматы қаласының тұрғыны:
- Әр нәрсені оған әкеледі. Көп бұзақылық жасайды. Ата-анасына да қиындық туғызады. Бір түрлі жігіт еді өзі. Закладчиктер келеді. Мына воротаны біз не үшін қойдырдық. Потому что двордың балалардың площадкасына закладка қойып кетеді. Оны шығып алады. Ол деген сұмдық қой кішкентай балалар көреді.
Қайғылы жағдайдан кейін қаскөй үйіне барып, жоғарғы қабаттан секірмекші болған. Алайда, тәртіп сақшылары оны дер кезінде тоқтатып бөлімшеге алып кеткен. Ал екі жылдан бері көптің қауіпсіздігін күзетіп жүрген Нұрбол Қайыпбайдың соңынан жұбайы мен үш баласы қалды. Ұлының тәуліктік жұмысынан оралуды күткен анасы баласының қандай жағдайда көз жұмғанын көруге жүрегім шыдамайды дейді.
МАЙРА МҰСАХАНҚЫЗЫ, марқұм Нұрбол Қайыпбайдың анасы:
- Өте аңқылдақ болатын. Ешкімге жаманшылық жасамайтын. Ондай несі жоқ. Всегда алдыға түсіп жүгіріп жүретін. Кеше күндіз сөйлестім. Кішкене түрі шаршаңқы екен. Неғып шаршап деп едім 2 күн суткадамын. Бұйыртса ертең таңертең барам. Алладан кейін үкіметтен әділеттілік іздеймін. Үкімет берсін жазасын. Мен өзім көрмедім. Көрдім деп айта алмаймын. Бірақ жан-жақтағы елдің бәрі айтып жатыр вообще кәдімгі адамшылықпен өлтірмеген деп.
Ал қалалық полиция департаментінің мамандары болса қазір бұл іске байланысты тергеудің басталғанын хабарлады. Осыған дейін күдікті мен күзетшінің ішімдік ішіп, кейін соңы жанжалға ұласқаны туралы ақпарат тараған болатын. Алайда оның шындыққа қаншалықты жақын екені тергеуден кейін белгілі болады.
РУСТАМ ШӘРІБАЕВ, Алматы қалалық полиция департаменті басшысының орынбасары:
- Кісі өлтіру дерегі бойынша қылмыстық іс қозғалды. Алдын ала мәлімет бойынша, тұрғын үй кешенінің күзетшісі мен тұрғыны арасында жанжал шығып, нәтижесінде 45 жастағы ер адам күзетшіге дене жарақатын салып көз жұмды. Қазір күдікті уақытша ұстау изоляторына қамалды.
Он үш жыл бұрын отасқан Нұрбол Қайыпбай жалдамалы пәтерде тұрып отбасын асыраған екен. Оның жақсылығы мен адамгершілігін тек жақындары ғана емес жұмыс істеген тұрғын үй кешеніндегі жұртшылық та жарыса айтуда. Аса қатыгездікпен өлтірген адам ауыр жазаға тартылсын дейді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық