Lyric: Patisepa Ka neongo pē ʻene lau maile Mei Nuʻusila ki he ʻOtu Felenite, Ko ʻeku ʻofa ena kuo fakatētē Naʻa ʻauhia, ohu atu kiate koe. ʻAlu ā koe ia, siʻeku pele Ka u nofo au ʻo ʻunaloto atu pē. Ko e sinó ni ia kuo taaʻi ʻi pilisone, Ka ko e kií ia ʻoku ʻiate koe. ʻAho fā ʻo Mē ʻo e taha hiva valu taha Naʻe kamata ai siʻo takaumeʻa, Peá u silaʻi ʻo tuku ki he ʻolita Ke toki hehengi pē ia mei faʻitoka. He ʻikai te u lava ke fakamata ʻI he anga ʻeku ʻofa ʻene kakau nima, Pea fakamoʻoni ʻa e lau ʻa e folofola ʻO manavaʻofa te ne maʻu ʻa e ʻofa. ʻAho fā mahina valu ʻo valu taha, Meʻa ʻaho fakamamahi eni kiate kita. ʻOsi ʻeku mavae mo hoku ʻofaʻanga Kae hange kuo ui ʻa Mate ki hoku angahala. Fehalaaki ʻa e tā hoku mafu tefua ʻI heʻeku manatuʻi ʻa siʻeta alea. Ko e meʻa pango pē ko ʻete tangi noa He ʻokú ke lolotonga tauaataina. Ne u fakakaukau pē ʻe angafēfē He ko e nima mahina ʻa hoʻo mavahe Fiu hono feingaʻi ke u fiemālie He ko e loto ia ʻoku liliungofua pē ʻŌiaue, Patisepa ē. Ko e palōmesi ʻoku ou kei puke ʻO tatali ki he ʻaho hoku veteange, Moʻui mo e mate ʻoku ʻiate koe. ʻAmusia pē ʻa e, seti fā ua taha He ʻokú ne aofia ā siʻo fofonga, Ka u sio loto ki he hopo ʻa e māhina Mo uiui pē, ki siʻo hingoa. Naʻá ke mavahe pē mei malaʻe vakapuna Kae ʻalu noa pē, siʻoku loʻimata ʻI heʻeku manatuʻi ʻa hoʻo toʻonga Mo e feʻofoʻofani hota kaumeʻa. Ne u fakakaukau pē ʻe angafēfē He ko e nima mahina ʻa hoʻo mavahe Fiu hono feingaʻi ke u fiemālie He ko e loto ia ʻoku liliungofua pē ʻŌiaue, Patisepa ē. Ko e palōmesi ʻoku ou kei puke ʻO tatali ki he ʻaho hoku veteange, Moʻui mo e mate ʻoku ʻiate koe. ʻAmusia pē ʻa e, seti fā ua taha He ʻokú ne aofia ā siʻo fofonga, Ka u sio loto ki he hopo ʻa e māhina Mo uiui pē, ki siʻo hingoa. Naʻá ke mavahe pē mei malaʻe vakapuna Kae ʻalu noa pē, siʻoku loʻimata ʻI heʻeku manatuʻi ʻa hoʻo toʻonga Mo e feʻofoʻofani hota kaumeʻa