Ka Zaangfah ko Lyrics
Chung sivaang in ka ṭap tawn,
Maw ka Bawipa Jesuh Khrih aw,
Na duh ningin kar ka hlan khawh lo zia,
Ka nun nih a theih nain,
Na ka hruainak lamthluan ah,
Ka nun tahtu le an tam ṭung,
Na hmai an hngal tertu si ti loin,
Na minchiat tertu ka si tawn.
Chorus:
Ka zaangfah ko mu ka Bawi Jesuh
Tukforhnak pangpar rimhmui lak le,
Hneksaknak thlichia tilet lakah,
Kal zia ka thiam lo Bawipa,
Na kutcak in ka domhtlai law,
Keh le orh ah ka pial sualnak hnga lo,
Thlarau Thianghlim ka bawm mu.
A caan ah hling le so lak,
zongah na ka kalter Bawipa,
Kal zia ka thiam lo ca ka hrum ruangmang,
Ka minung sinak in cun,
Hmanhseh ka nun lamthluan ah,
Keneh dawh le duhnung tein,
Karhlan zia thiamter na ka duh ca,
Hling phah piaktu zong na si.
A caan ahcun thlichia le
Tilet lakah zongah na ka hruai,
Cucah thinphang le thlalau in ka um,
Mitthli he ṭah caan a tam,
Hmanhseh thetse cung si lo,
A fek lungpi Jesuh Khrih chung,
Thuk piin hram bunh seh ti na ka duh,
i thlichia na ka thlahpiak.
A caan ahcun bia ṭha lo,
Soisel le thangchiatnak tlangah,
Na fa dawt hi na ka kaipi tawn i,
Ka kai kho lo i ka ṭap,
Mah le mah i tei khawhnak,
Lei le dang cu hmanzia thiam in,
Khuaitizu le cawhnuk luannak nundawh,
Ngeihter na ka duh Bawipa.
Hla tialti: Lily Biak Ngun Tial