🙏💕🌾

Lp09p8mppl

🙏💕🌾

🙏💕🌾

🙏💕🌾

🙏💕🌾

🙏💕🌾

(ขับงึม) โอเด แก้มแป่นแหว่น สายแนนไทยนิเอ้ย โอนอ สิทธิการิยะน้อม ทูลถนอมเบื้องฝ่า องค์พระพันวสา รัตนาหน่วยแก้ว บัดนี้ ศุภศรีดีดาแล้ว ศุภฤกษ์เบิกมื้อใหม่ สุริยาใสส่องแจ้ง แงงเหลื่อมฮุ่งมา แม้นว่า ฝ่ายฝูงข้านี้ได้ กถาพันธ์ต้านกล่าว ถวยพระพรพระแม่เจ้า เนายั้งแผ่นผไท ใสเลิงเลิง….เด… (ลำมะหาไซ) โอ้ย ใหม่ใหม่ ฟ้าฮ้องละน้อใหม่ใหม่ สมัยไทยเจริญเอย โอน้อ ขอวาจาวจีต้าน การทางลำดอกนำส่ง จักรีวงศ์สยามเอ้ย ข้าจักเอ่ยดอกพรรณา สมัญญาพระแม่ไทย ได้ซ้นเพิ่งคุณเจ้านี่แหล่ว แม่นว่า ปวงประชาน้อหลั่งล้น ยลละแยงละย้องยอ ว่าตั้งต่อน้อซอซ้อง ทั่วท้องถิ่นแผ่นดินไทย เจ้าทรงได้วัฒนา พระเมตตาเฮาได้อยู่เย็น โอ้ย นี่แหล่ว คือจั่งเพ็งนอเพียงฟ้า สาดแสงมานอยังที่ เสาวนีย์ ธ กูลเกื้อ อยู่ทุกเมื่อบ่มีไล มวลไหมหมี่แพรวา พฤกษาธารน้ำอุดม โอละนอ (สาละวัน) โอย น้อ โอย นา บัดนี้ ฝูงข้ามีพรั่งพร้อม มาลาคันธากลิ่น เด้น้อ เด้น้อ แม่นว่า ถ้อนทอบมาทั้งสิ้น งามจั่งอินทร์แต่งแต้ม แซมซ้อนเสียบใส่พาน ใส่พาน นา เทื่อนี้ ตกแต่งดีดาได้ บายศรีมงคลยิ่ง นี่แหล่ว นี่แหล่ว โอ้นอ ถวยเถิงองค์แม่นมิ่ง สรรพสิ่งสรรตั้ง ยอยั้งยื่นสักการ์ สักการ์ นา โอน้อ อันว่าฝ่ายฝูงข้า ศรัทธาโฮมคุผืนแผ่น เด้น้อ เด้น้อ แม้นว่า ผสกไทยทั่วแคว้น โฮมแห่แหนหย่างย้าย หมายซ้อซ้องเซิญพระขวัญ พระขวัญ นา (เพลง) ศรีศรี ศิริบวร ประณตน้อมกรอิ่นอ้อนวอนว่า มาเย้อขวัญเอ้ย มาเย้อขวัญเอย ขวัญเจ้าเลยหล่วงเข้า เนาผามปรัมพิธี พานบายศรีสูตรเอิ้น เซิญเจ้าให้ต้าวมา พระพันวสา ราชชนนี เซิญเจ้าลีลาย้าย คืนคีงโค้งอ้วย ฝูงหมู่ทวยไทข้า ว่ามาฮ้องฮับขวัญ… ว่ามาเย้อเจ้าขวัญเอ้ย โอ้ย เจ้าขวัญเอ้ย (ลำหย่าวสับสีพันดอน) เอาห่านี้ ปาริโยสานสิ้นสุดสั่งดั่งประสงค์ ว่าแล้วลงลีลานาฏนวยยวยย้าย คันหัตถาไหว้ศิโรราบขาบว่า พระบุญญาพระพันปีหลวงเจ้าปกเหง้าเผ่าไทย คันองค์เอกไท้ องค์เอกไท้ ให้มั่นยืนเทียรฆาอัครพระบารมีพิศุทธิ์ศรีซื่นซ่อย งามจั่งแสงสายสร้อยพลอยนิลจินดา ฝูงนั้นแหล่ว นั้นหนา ฝูงหมู่เทพท้อนไท้มาพร้อมพร่ำกัน พอเถิงกาลนี้นั้น บรบวนถ้วนว่าละมวลโรคาพยาธิฮ้ายอย่าได้ตำติดติต่อยต้อง อย่าสิขวงขัดข้องค้างคาสุประการ ยามนั้นแหล่ว นั้นนา ข้าสินำพรแก้วดีแล้วยื่นถวาย ขงเขตค่ายโลกลุ่มสากล ศุภผลทรงธรรมล่ำแยงให้นำสู่ สิ่งสิริให้นำยู้ซ้วนซูทรงสราญ สุขศานต์ยิ่งน้อมิ่งปวงไทย ใสเลิงเลิงคือคำค่าล้าน พระพันปีท่านผู้ทรงเกล้าล้นกระหม่อม ทูลถนอมจอมไท้เจริญได้ หมื่นวสา

ท่อน1 (ชาย-หญิง) จอมเอกองค์นาคา นาฏยว่ายัวระยาตร โฉมสะอางค์นางแพง ตกแต่งปุนแปงปั้น สรรพสิ่งเสกสรร เถลิงถวัลพระมาตา สิริกิติ์พระพันวสา ธ ทรงเป็นมิ่งเมือง ฮองเฮือง บารมี นารีศรีสยาม (ชาย) ขอน้อมเจตนา ป้องป่าวสมัญญาว่ายอว่าย้อง นบจอมไท้สยาม แซ่ซ้องพระนามระบือกีกก้อง สองหัตถาถวายพรชัย จากฟ้าสุราลัยพิศุทธิ์ใสยองยอง กาลบัดนี้ดิถีมงคล นาคาทั่วสกลมาล้นหลั่งเนืองนอง ถ้อนศรัทธา บุญญา นาคา สักการ์บารมี ท่อน2 (หญิง) (งิ้วต้อนแต้น) ว่าแล้วได้ย้ายหย่างยลละแยง นางแพงว่าจั่งสิลีลาลัดหล่วงลงเลียนล่าย เฮียมสิหมายส่งพร ว่าส่งพร ผู้เทียมชั้นมหิศรพระพันปีให้ยืนยง เทียรมาคง รฆาคง ประสงค์เตรียมแต่งตั้งพิธียั้งบรบวน บรบวน กวนเกษียรสมุทรนี้ให้ดีล้ำสุมังคล จั่งสิเอาตนเกี้ยว เกี้ยวขอดใส่ ในเขาพระสุเมรุเป็นแกนกลางยั้งเกิ่ง เอ๋ยยั้งเกิ่ง น้อยั้งเกิ่ง ให้ใสเลิงๆล้วนมวลมิ่งสิ่งบวร สิ่งบวร ถวยพระพรลงเอ้จอมไท้พระพันปี ท่อน3 (เพลงแหล่) (หญิง) โอย ขอน้อมลงบทมาลย์พระพันปี มิ่งมหาบารมีศรีสยาม องค์สิริกิติ์สถิตย์ไทยในทุกยาม ทั่วเขตคามเฉลิมพระพรเอกอรองค์ ยศยิ่งยืนยงพระพันวสา พระบุญญาสง่งามตามประสงค์ ปวงอุปัทวันตรายสลายลง ธ ทรงเทียรฆาคงเถิดองค์พระพันปี ท่อน4 (หย่าว) (หญิง) ศรีเมืองบ้านพระพันวสา งามจั่งฟ้าปั้นหล่อ โอยเด้น้อขอชุลีบาทเบื้อง ผู้เฮืองแจ้งแห่งสมัย โพยภัยย้ายไกลห่างคีงบาง จั่งว่าสาวคำนางกวยแขนมาแพนฟ้อน ถวยพรไท้ให้ใสเลิงเลิงยิ่ง สรรพสิ่งแต่งน้อมถนอมไว้หว่างเศียร ท่อน5 (เพลง) (รวมชายหญิง) ดุจดั่งเทียนชัยส่องแสงอำไพมั่นในสยาม แช่ช้องพระนามพระทรงธรรมแห่งชนนี นบน้อมสักการ์ถวายภักดี ข้านี้ส่งพรผู้มหิศร ทรงพระเจริญ

ผสกชนชาวอีสาน ทั่วสถานแดนไทย ร่วมถวายพรชัย เทิดไท้พระบารมี สิบสองสิงหา ศุภวาระกาลนี้ น้อมเกล้าสดุดี พระพันปีพระศรีแผ่นดิน ปฐพินถิ่นนี้ พระเสาวนีย์พร่างพรม รุ่งพิพัฒน์อุดม รื่นรมย์ทั้งธรณิน พระคุณเลิศฟ้า พระบุญฐาบ่สิ้น ทวยราษฎร์ยลยิน องค์นันท์นลินพระพันปีหลวง บรบวนล้วนดีดา ฝูงทวยข้ามาปุนแปง ตั้งต่อเตรียมตกแต่ง ล้วนจัดแจงบรรณาการ ดอกดวงพวงพยอม มาโฮมฮ้อมน้อมใส่พาน มาลามะลิวัลย์ บุษบันเบ่งบานหอมหวน เอ้เครื่องมังคลา ล้ำเลอค่าบรบวน ธูปเทียนเทียมหมู่มวล ว่าดีล้วนมวลสุอัน แห่มายังโฮงหอ เสียงซ้องซอดังกังวาน พาทย์พิณกังสดาล ผคมคัลวันทาแม่แก้ว เพริศแพร้วพร่างพรายลักขณา แสงส่องพาราจากจันทราแมนสรวง ศรีเฮืองฮองบ้านข้ามขัณฑ์เขตข่วง รัศมีแผ่ก้วงล่วงลงอาณา บัดนี้สิว่าอ้อนจันทราเบื้องบน ฝูงข้าน้อมตนผลเสี่ยงจรรยา ขอพรเพริศแพร้วคือแก้วรัตนา ถวายราชมาตาพระพันวสามหาราชินี ดวงจันทราโสภาผ่อง ใสเฮืองฮองส่งแสงอันแพรวพราว ข้าทั้งผองมาอ้อนป่าว เจ้าจึงเอาพรแก้วปุนป้อนลง เสียงแซ้ซ้องของชาวอีสาน น้อนอธิษฐาน ว่าเซิญเย้อ ว่าเซิญเย้อ ประโลมลงถวายแด่องค์สิริกิติ์พระพันปี โอน้อ ยอหัตถา กราบลงองค์มาตาพระชนนี ตกแต่งตั้งปรัมพิธี สรวงศรีสักการะ สิ่งประเสริฐเลิศฟ้า นำมาน้อมถวาย จั่งได้จุดเทียนชัย ใสฮุ่งเฮืองฮอง ดุจดั่งแสงสีทอง ของดวงจันทรา มาแยงยั้งบุญญา มารดามิ่งนคร ฝูงไทยข้ามาวอน ถวยพรฟ้อนสักกา นำพรจากจันทรา มายั้งกั้งเหลื่อม ให้ฮุ่งเฮืองพระบารมี แม่ฟ้าพระพันปี ดวงมณีศรีสยาม ยอย้องสมัญญานาม คู่เขตคามค้ำถิ่น จตุรพิธพรชัย กราบถวายพระแม่แผ่นดิน เนายังคู่ฟ้าธาณิน ข้าถวิลบ่ปิ้นเปลี่ยน เทียนชัยใสเลิงเลิง น้อมนบเถิงกั้งเกิงเศียร ฝูงข้าลีลาหลั่งเลียน ย้อนว่าเพียรพร้อมสิว่า อุปัทวันตราย ให้ห่างหายจากโรคา ยืนมันหมื่นพันวสา คงเฑียรคาสถาพร โยยิ่งมิ่งเมืองนคร ว่าอยู่ดีก่อน ทรงพระเจริญ

โอย น้ำเอ๋ย น้ำพระทัยบ่สุดสิ้น พระทรงสร้างศูนย์ศิลป์ แต่คราวพุ้นคุณนิ่งใหญ่ ฟื้นภูมิปัญญาแผ่นดิน เป็นศูนย์ศิลปาชีพบางไทร ความเป็นไทยให้โลกฮู้ ทรงซูค้ำแม่นหล่ะแยง จอมแพงเมือง โอย นั้นละหนา นั้นละนา พระแม่แห่งผ้าไหม ส่งเสริมให้ได้สืบต่อ มอบรักมาถักทอ ไหมนี้หนอจึงงดงาม แพรวากาฬสินธุ์ โลกยลยินอาภรณ์สยาม ฉลองพระองค์ทรงงดงาม สืบนิยามความเป็นไทย มัดหมี่เมืองสุรินทร์ ทัศนศิลป์สืบสมัย สุดแสนละเมียดละไม ทอเส้นใยด้วยใจคน ชื่อเสียงดังไปทั่ว ผ้ากาบบัวเมืองอุบล เอกลักษณ์อันงามล้น เมืองนักปราชญ์ศิลปิน ร้อยเอ็ดสาเกตนคร แสนออนซอนอาภรณ์ศิลป์ ผ้าไหมได้ยลยิน ทั่วท้องถิ่นยังถักทอ ชนบทไหมงดงาม เมืองแก่นขามงามจริงหนอ ลวดลายละเอียดลออ สืบสานต่อทอกันมา ว่าท่อนั้น ว่าท่อนั้น สิได้กลั่นคำกลอน พระแม่เมืองผู้งามงอน ดั่งทองผไทแท้ ดูแลไพร่ประขาไทยสุขยิ่ง สุข สุขยิ่งยินดีสุขยิ่ง หละทรงบ่ไลละถิ่ม ให้หลิงเยี่ยมเที่ยงธรรม ไทยทุกก้ำสูงต่ำกันดาร บ่หวั่นไหวภัยพาล ถิ่นฐานเสด็จเยี่ยม ผคมเคียมเทียมกรวอนกล่าว พระขวัญของเกล้าชาวไทยทุกคน แย้มพระสรวลอุ่นอวนยิ่งล้น ปลอบใจทุกคนสิ้นทุกข์ทนลำเค็ญ ทรงเป็นพระแม่แห่งชาติ โอรสครองราชย์พาชาติร่มเย็น เนิ่นนานผ่านมาฟ้าเห็น พระทรงบำเพ็ญเพื่อปวงประชา ไทยทุกก้ำพร้อมพร่ำถวายพระพร ราษฎรชาวไทยทั่วแดนน้อแสนปลื้ม บ่ไลลืมคุณท่านองค์นงคราญพระเจ้าแม่ น้ำพระทัยเที่ยงแท้ดูแลให้ได้ซุ่มเย็น บ่ได้เว้นว่าท้องถิ่นดินได๋ เป็นคนไทยเสมอกัน ท่านหล่ำแยงน้อแพงตุ้ม โอน้อ มาบาดนี้ จักได้ เชิญเทพไท้เทวา มาบันดาล พระพรชัย แด่องค์พระ แม่ไท้ พันปีหลวง แห่งปวงข้า คำเอย เชิญองค์พระพลบดี ทรงคชา เอราวัณ มากุ้มขวัญ มั่นยืน ทรงสดชื่น สำราญ ชนม์มายุ ยืนนาน ทั่วถิ่นฐาน แดนไทย ถวยพรชัย ยอเยิ่น ทรงพระเจริญ พระเจ้าค่ะ ทรงพระเจริญ พระเจ้าข้า สุนทรวอนว่า เทิดพระทรงศรี องค์พระพันปี แม่ฟ้าพระมาตุรงค์ เพริศแพร้ว บุญญาสูงส่ง น้อมกราบลง ทรงพระเจริญ