Abone OL: goo.gl/W99fFm
Copyright © Kanal S_official
Sayt: kanal-s.az
Facebook: goo.gl/XVhVzG
Qədim dağ kəndləri olan Sabunçu, Cimcimax və daha 6 kəndin sakinləri evlərinə getmək üçün nə az nə çox düz 15 km yolu cay yatağı ilə qət etməlidirlər. Kənd sakinlərini daşıyan "URAL" markalı avtobusa əyləşərək biz də bu eksterimal yolu öz gözlərimizlə görmək istədik. Təxminən 3 saatdan çox uzun və yorucu yolçuluqdan sora kəndə gəlib çatdıq. Hər tərəfdən dağlarla əhəta olunmuş kənd öz təbiəti ilə bizi valeh etsədə kəndin yol problemi və mobil şəbəkənin olmaması bu gözəlliyə kölgə salan amillərdəndir. Kəndə gələn yolu sel yuyub. Bu azmış kimi kəndin daxilində də sel təhlükəsi yaşanmaqdadır. Belə ki, palçıq kimi gələn sel daş və çınqıldan ibarət xırda təpələr yaradaraq kənd daxili yolu da tamamilə yuyub. Kəndə gedən yolun bu cür keçilməz və uzaq olması yanğınsöndürən və təcili yardım maşınlarının kəndə çata bilməməsinə səbəb olur. Təxminən 250-300 əhalisi olan bu kənddə mobil şəbəkənin, internetin də olmaması gənc nəsli daha çox narahat edir. Valideyinlərsə 30 şagirdin təhsil aldığı məktəbdə quraşdırılan kompyuterlərin internetlə işləməsini istəyirlər ki, şagirdlər az da olsa informasiya texnologiyalarina yiyələnə bilsin. Problemlərlə bağlı rayon icra hakimiyyətinə müraciət etdik. Qurumdan bildirildi ki, sözügedən kəndlərdə yaşayanların yol problemini həll etmək üçün aidiyyatı qurumlar vaxtaşırı əraziyə ezam olunur. O ki, qaldı mobil şəbəkə ilə bağlı məsələyə , bununla bağlı Rəqəmsal İnkişaf və Nəqliyyat Nazirliyinə məktubla müraciət olunub. Yaxın vaxtlarda əraziyə mobil şəbəkə stansiyasının quraşdırılması nəzərdə tutulub. Qeyd edək ki, Alazan-Əyriçay çökəkliyində yerləşən Cimcimax kənd sakinlərinin əsas məşğuliyyəti taxılçılıq, tütünçülük, fındıqçılıq və arıçılıqdır.
#KanalS #Cimcimax #Zaqatala #xeber #kanalsxeber #xəbərlər #xəbər #kanalsxəbər