Рет қаралды 4,436
Në qershor të këtij viti Sali Berisha mbush gjashtë muaj pa marrë pjesë në seancat parlamentare dhe kuvendi do duhet të vendos nëse do ia heq apo jo mandatin.
Duket se kjo çështje dhe statusi juridik i Berishës në vitin 2025 do të jetë vendimtar për të ardhmen politike të Argita Malltezit.
Në një intervistë për MCN, ajo thotë se është 100% e angazhuar me aksionin opozitar por kur u pyet nëse do të jetë në listë për deputetë, Malltezi la të kuptohet se kjo do të ndodhë nëse Berisha s’do lejohet të kandidojë.
“Të gjitha këto janë çështje që s’janë diskutuar. Por ajo që ua them me siguri është që Sali Berisha do të drejtojë luftën për rrëzimin e Edi Ramës dhe Sali Berisha do rrëzojë Edi Ramën. Çështja e kandidatit për kryeministër s’ka qenë një gjë e shkruar në gur. Berisha vetë e ka thënë pas zgjedhjeve do të bëjë një tjetër referendum tjetër, që shqiptarët të vendosin se kë duan për kryeministër. Nuk është çështja nëse do të jetë Berisha kryeministër apo jo. Berisha do të jetë patjetër drejtues i fushatës dhe kandidat për kryeministër."
Ajo është falenderuese ndaj reagimit të demokratëve, por kërkon më shumë angazhim nga funksionarët e PD për të afruar sa më shumë mbështetës.
Sa i përket kërkesës së opozitës për një qeveri teknike për organizimin e zgjedhjeve, Malltezi tha se është plotësisht e arritshme nëse e kërkon me insistim opozita.
Malltezi thotë se hapi i radhës është Gjykata Kushtetuese, ndërsa akuzoi gjyqtaren Irena Gjoka se përdoret si instrument për të sulmuar opozitën.
Vajza e ish-kryeministrit Berisha ka marrë pjesë në 7 protestat e zhvilluar nga opozita para bashkisë së Tiranës kundër Erjon Veliajt.
Sipas saj skema e vjedhjes me kompaninë “5D” në bashki nuk duhet parë si një rast i izoluar.