मुख्यसचिव बैकुण्ठ अर्यालसहित ११ व्यक्ति र एक कम्पनीविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दर्ता गरेको छ। भ्रष्टाचार मुद्दामा तानिएका मुख्यसचिव अर्याल निजामति प्रशासनका अहिलेसम्मकै उच्च व्यक्ति हुन । मुद्दा दायर भएसँगै अर्याल स्वत: निलम्बित हुनुभएको छ ।
अर्याल सञ्चार मन्त्रालयका सचिव हुँदा अन्तःशुल्क स्टिकर छपाइमा अनियमितता भएको अभियोगमा अख्तियारले मुख्यसचिव अर्यालसहित १२ जनाविरुद्ध आज विशेष अदालतमा मुद्दा दायर गरेको हो । सार्वजनिक संस्थाको सम्पत्ति हानी नोक्सानी गरी भ्रष्टाचार गरेको अभियोगमा अर्यालसहित ११ जना व्यक्ति र प्रिन्ट सेल कम्पनीलाई दोषी किटान गरिएको छ । मुद्दा दर्ता गरिएकाहरुमा बहालवाला सहसचिव, उपसचिव र अधिकृत पनि छन् । बजेट महाशाखाका सहसचिव रितेश शाक्य, भन्सार विभागमा कार्यरत सहसचिव टंक पाण्डे, उपसचिव गणेशविक्रम शाह र शाखा अधिकृत रविन्द्र पौडेलविरुद्ध पनि अख्तियारले मुद्दा दायर गरेको छ ।
यस्तै विकल पौडेल, सफल श्रेष्ठ, हरिबल्लभ घिमिरे, शक्तिप्रसाद श्रेष्ठ, बद्री गौतम र केशव शर्मा विरुद्ध पनि मुद्दा दर्ता गरिएको छ । प्रिन्ट सेल केशव शर्माको कम्पनी हो । अख्तियारले सबै प्रतिवादीहरुसँग ३८ करोड ६७ लाख बिगो मागदाबी गरेको छ ।
Kantipur TV HD को सम्पूर्ण कार्यक्रम KZfaq मा समयमै हेर्न र कार्यक्रम बारे जानकारी प्राप्त गर्न हामीसँग KZfaq मा जोडिनुहोस् :
kzfaq.info?...
Click here to Download our Apps: www.kantipurtv.com/apps
Visit our Website: www.kantipurtv.com
Facebook: www.faceabook.com/kantipurTVHD
Twitter: / kantipurtvhd
Instagram: / kantipurtvhd