«Алматы-Бішкек» трассасының 19-шақырымдағы кептелістен халық әлі көз ашпай келеді. Көлік жүргізушілері бұл жерде күн сайын сағаттап уақытын жоғалтуда. Тіпті, бұрылыстың тұсында жол-көлік оқиғасы орын алса, тасжолдың бойындағы көліктердің жылжуы қиындай түседі. Мәселенің мән-жайын ескере келе, күре жолға жауапты «ҚазАвтоЖол» ұлттық компания өкілінен ақпарат алдық.