Рет қаралды 19,325
Осы аптада Маңғыстау облысында ауқымды кадрлық ауыс-түйістер болды. Бейсенбі күні Мемлекет басшысының Жарлығымен облыс әкімі лауазымынан Нұрлан Ноғаев босатылды. Ол 2021 жылғы қыркүйектен бері өңір басшысы қызметін атқарып келген еді.
Одан бір күн бұрын Kazinform дереккөзі Маңғыстау облысында Ұлттық қауіпсіздік комитеті департаментінің басшысы ауысқанын хабарлады. Бұған дейін Маңғыстау облысы Ұлттық қауіпсіздік комитеті департаментінің басшысы қызметін Бақытжан Валениязов атқарған болатын. Оның орнына Атырау облысы Ұлттық қауіпсіздік комитеті департаментінің бастығы болған Серік Әміров тағайындалды.
Бұдан бөлек бірқатар БАҚ Маңғыстау облысының күштік құрылымдарының басшылары түгел отставкаға кетеді деген ақпарат жариялады. Әзірге бұл мәлімет расталған жоқ.
Мұнайлы өлкенің табысы «ҚазМұнайГаз» компаниясымен тығыз байланысты. Сондықтан өңір халқы компанияға қатысты жаңалықтарды жібермей оқып отыратыны айтпаса да түсінікті. Өтіп бара жатқан аптада ҚазМұнайГаз басшысы Мағзұм Мырзағалиев қызметінен босатылып, оның орнына Энергетика вице-министрі Асхат Хасенов келді. Әзірге оған «ҚазМұнайГаз» акционерлерінің жиналысы өткенге дейін басшының міндетін атқару жүктелді.
Telegram Qaz - t.me/QazAqparat_kz
Telegram Rus - t.me/kazinform_news
Instagram - / @kazinform_kz
Instagram - / @kazinform
Facebook - / @Kazinform
Facebook - / @Казинформ
Jibek Joly online: jjtv.kz/kk/live
Cайт - kaz.inform.kz/
#kazinform #қазақпарат #Жаңалықтар