Рет қаралды 12,870
Кеше ақтаулық отбасы Тайландтың Бангкок қаласынан келін алып, беташар жасады
Ақтауда тайландтық келіннің беташарына жиналған жұрт дүркіретіп той тойлады.
Шаңырақ көтерген Мирастың әпкесі Қалсұлу Арсланқызының айтуынша, аға-жеңгесі «тайландтық келін» дегенге бірден үйренісе алмаса да, балалардың бақытын ойлап, шешімін қолдаған көрінеді.
Отбасын құрған Мирас 2003 жылы туған. Алматы қаласында оқып, білім алған. Ал тайландтық Юхуа 2002 жылғы. Олар ағылшын тілі курсын үйреніп жүргенде желі арқылы танысыпты. Кейін, біраз уақыт өткен соң, 2023 жылы Мирас әке-шешесінен рұқсат алып, Тайландқа барып, қызбен өмірде көрісіп, ата-анасымен танысып келген. Осылайша достық қарым-қатынас махаббатқа ұласып, екі жас үйленеміз деген тоқтамға келіпті.
Ал құдалардың танысуы алғашында желіде болып, кейін Тайландқа салт-дәстүрімізбен сырға салуға аттанған. Тайландтық құдалар жаңа туыстарын жақсы күтіп алды дейді Қалсұлу. Құдалар арасында тілмаш болмапты, барлығын Мирастың өзі аударып тұрған. Алғашында үйде сырға салып, кейін кафеде той тойлапты.
Мирастың әпкесі Қалсұлудың айтуынша, Тайландта да қызға қалың мал беру дәстүрі бар екен. Олар Юхуаның ата-анасына 3 млн теңге қалың мал берген. Құдалардың арасында аса бір түсініспеушілік болмапты. Келін әлден маңғыстаулық салт-дәстүрге үйреніп, сәлем салып, шай құйып жүр екен.